Таш савытлар

Монда беренче гасырда Иерусалимда кулланылган таш савытлар күрсәтелгән. Гадәттә савытлар балчыктан ясалган булса да (Иш 30:14; Ел 4:2), Изге Язмаларда, Кәнәдәге туй турында язылганда, таш савытлар искә алына (Ях 2:6). Иерусалимда шактый гына таш савытлар табылган булган. Башка материаллардан, мәсәлән балчыктан, ясалган савытлардан аермалы буларак, таш савытлар нәҗес булып китә алмаган дип саналган (Лв 11:33). Шул сәбәпле аларны киң кулланганнар дип уйлыйлар. Бу рәсүл Яхъяның су саклау өчен таш савытлар белән бергә «яһүдләрнең пакьләнү кагыйдәләре» турында ни өчен искә алганын аңларга булыша.