Билгесез илаһларга корбан китерү урыннары

Паул Афинадагы Ареопагта сөйләгән нотыгында «„Билгесез илаһка“ дип язылган корбан китерү урыны» турында әйткән (Рс 17:23). Язма чыганаклар да, археология дә Рим империясендә андый корбан китерү урыннарының булганын раслый. Мәсәлән, б. э. икенче гасыры географы Павсаний билгесез илаһларга багышланган Грециядәге корбан китерү урыннары турында язган. Ә б. э. икенче һәм өченче гасырларында яшәгән Филострат Флавий андый мәзбәхләрнең Афинада булганын искә ала. 1 нче фоторәсемдә Пиргамдагы (хәзерге Төркиядә урнашкан) корбан китерү урынының калдыклары күрсәтелә. Б. э. икенче гасырына караган бу мәзбәхнең язуы тулы түгел, әмма аның беренче юлында, бәлки, «Билгесез илаһларга» дип язылган булгандыр. 2 нче фоторәсемдә Римдагы Палатин калкулыгында табылган мәзбәх күрсәтелә. Ул якынча б. э. к. 100 елга карый һәм исеме билгесез булган илаһка багышланган. Бу мисаллар Изге Язмалардагы хәбәрне: андый мәзбәхләрнең булганын раслый.