1. Газапларыбызда Аллаһы гаеплеме?

Ни өчен моны белү мөһим?

Күпләр, Аллаһы газапларда гаепле дип уйлаганга, аны кире кага.

Уйлап карагыз

Күп кенә дини җитәкчеләр газапларны Аллаһы китерә дип я турыдан-туры, я читләтеп әйтә. Мәсәлән, кайберәүләр болай ди:

• Табигать афәтләре — Аллаһының җәзасы.

• Балалар үлә, чөнки Аллаһы аларны күккә ала.

• Аллаһы күп газап китерә торган сугышларда берәр илне яклый.

Ә бәлки, шушы дини җитәкчеләр Аллаһы турында дөреслеккә өйрәтмидер? Бәлки, Аллаһы аларны кире кагадыр?

Изге Язмаларда нәрсә әйтелә?

Аллаһы газапларны китерми.

Бу аның сыйфатларына каршы килер иде. Мәсәлән, Изге Язмаларда болай диелә:

«Аның бар юллары гадел. [...] Ул тәкъва һәм намуслы» (КАНУН 32:4).

«Аллаһы өчен явызлык кылу, Чиксез Кодрәт Иясе өчен яманлык эшләү акылга сыймаслык хәл!» (ӘЮП 34:10)

«Чиксез Кодрәт Иясе гаделлекне бозмый» (ӘЮП 34:12).

Аллаһы үзе турында дөреслеккә өйрәтмәгән диннәрне кире кага.

Мәсәлән, андый диннәр Аллаһы газапларны китерә дип өйрәтә һәм сугышлар белән көч куллануны хөкем итми.

«Пәйгамбәрләр минем [Аллаһының] исемем белән ялганны пәйгамбәрлек итә. Мин аларны җибәрмәдем, аларга бернәрсә дә кушмадым һәм әйтмәдем. Алар сезгә ялган күренешләрне... һәм үз йөрәкләренең хәйләләрен пәйгамбәрлек итеп сөйли» (ИРМИЯ 14:14).

Гайсә дини икейөзлелекне хөкем иткән.

«Күкләр Патшалыгына миңа: „Хуҗам, Хуҗам“,— дип әйтүче һәркем түгел, ә күктәге Атамның ихтыярын үтәүче генә керәчәк. Ул көнне күпләр миңа болай дияр: „Хуҗам, Хуҗам, әллә без синең исемеңнән пәйгамбәрлек итмәдекме? Әллә синең исемең белән җеннәрне куып чыгармадыкмы? Әллә синең исемең белән башка күп кодрәтле эшләр башкармадыкмы?“ Шунда мин аларга: „Мин сезне һич тә белмим! Китегез янымнан, явызлык кылучылар!“ — дип әйтермен» (МАТТАЙ 7:21—23).