152 НЧЕ ҖЫР
Сиңа дан китерәчәк урын
(1 Патшалар 8:27; 1 Елъязма 29:14)
1. Күкләр Хуҗасы, бар Галәм дә
Чиксез даныңны сыйдырмас.
Җирдәге йортта яшәмисең,
Бу бина да сиңа җитмәс.
Шулай да синнән үтенәбез:
Рухың белән булчы монда.
Атабыз, монда даның булсын
Һәм халкың табынсын сиңа.
КҮЧЕШ:
Тик синнән килгәнне
Без сиңа кайтарабыз.
Бар камил бүләкләр
Синнән, и Йәһвә Алла.
КУШЫМТА:
Рәхмәт хисеннән без җырлыйбыз—
Бина, ниһаять, төзелгән!
И Йәһвә, монда даның булыр.
Без көттек бу көнне күптән.
2. Йәһвә, син үзең дә беләсең:
Монда исемең данланыр.
Бу урын синең халкың белән
Гыйбадәт үзәге булыр.
Әле күп эшләр кыласы бар
Улың тапшырган хезмәттә.
Бу урын безгә ярдәм итсен
Вәгазьне үтәргә, Йәһвә.
КҮЧЕШ:
Бар бездә булганны
Без сиңа багышлыйбыз.
Син моңа лаеклы,
Юмарт бирүче Йәһвә.
КУШЫМТА:
Рәхмәт хисеннән без җырлыйбыз—
Бина, ниһаять, төзелгән!
И Йәһвә, монда даның булыр.
Без көттек бу көнне күптән.