«Игелек күрсәтүдән баш тартма»!
1. Без ничек итеп «игелек күрсәтүдән баш тартмыйбыз»?
1 Без Аллаһы Патшалыгы турындагы яхшы хәбәрне ашкынып таратабыз һәм шуның белән безнең билгеләнгән участогыбыздагы кешеләргә «игелек күрсәтүдән баш тартмыйбыз» (Гыйб. сүз. 3:27). Кешеләр ишетергә тиеш булган иң яхшы хәбәр — бу Аллаһы идарәсе астында булачак вакыт турындагы хәбәр. Син, бәлки, Патшалыкка өмет турында күп сөйлисеңдер, син моны очраклы вәгазьләп яки әдәбият калдырып башкарасыңдыр. Әмма үзеңә Изге Язмалар өйрәнүе, әгәр андый өйрәнү булмаса, алып барырга максат куйсаң, ничек булыр иде?
2. Безгә Изге Язмалар өйрәнүен үткәрергә, бәлки, нәрсә комачаулый?
2 Кайвакыт Изге Язмалар өйрәнүе үткәрер өчен иң зур киртә — бу безнең хисләребез. Кайберәүләр Изге Язмалар өйрәнүен үз көчләренә ышанмаганга яки бик тыгыз эш графигы булганга үткәрми. Аста китерелгән киңәшләр сиңа «игелек күрсәтүдән баш тартмаска» һәм, Изге Язмалар өйрәнүе үткәреп, шәкертләр әзерләү эшендә катнашырга ярдәм итәр (Мат. 28:19; Рәс. 20:20).
3. Изге Язмалар өйрәнүен алып барырга безгә нәрсә ярдәм итә?
3 Үз көчеңә ышанмау. Синең, бәлки, белемнәрең әздер яки син башка берәр сәбәпләр аркасында Изге Язмалар өйрәнүе алып барырга көчең җитмәс дип шикләнәсеңдер. Беренче гасырдагы тәҗрибәле мәсихчеләр «гап-гади кешеләр» булганнар. Аларга башкаларны хакыйкатькә өйрәтергә нәрсә ярдәм иткән? Алар «Гайсә белән бергә йөргән» (Рәс. 4:13). Алар Бөек Остаздан, Гайсәдән, өйрәнгәннәр, аның тәгълиматлары һәм өйрәтү юллары безнең өчен Изге Язмаларда язылган. Синең дөньяви белемең күп булмаса да, син рухи белем аласың, ә ул күпкә кыйммәтлерәк (Ишаг. 50:4; 2 Көр. 3:5).
4. Амос мисалы безне нәрсәгә өйрәтә?
4 Йәһвә кайвакыт җитәкчеләрнең һәм башка югары хакимиятләрнең хаталарын төзәтер өчен, пәйгамбәрләрне җибәргән. Аларның кайберләре, мәсәлән Амос, чыгышы белән гади кешеләр булганнар. «Мин пәйгамбәр түгел һәм пәйгамбәр улы да түгел; мин көтүче булдым һәм сикоморларны җыйдым»,— дип әйткән ул үзе турында (Амос 7:14). Шулай да Амос Йәһвәнең хөкемнәрен бозауга табынучы рухани Амазияһка җиткерүдән баш тартмаган (Амос 7:16, 17). Безгә һәрвакыт шуны истә тотарга кирәк: без Аллаһы эшен башкарабыз, һәм ул безне үзе кушкан эшне башкарып чыгар өчен сәләтле итә (2 Тим. 3:16).
5. Безнең графигыбыз бик тыгыз булса да, ни өчен безгә Изге Язмалар өйрәнүе башлар өчен тырышлык куярга кирәк?
5 Тыгыз эш графигы. Хәтта синең тыгыз эш графигың булса да, син шулай да хезмәттә регуляр рәвештә катнашыр өчен вакыт бүлеп куйгансыңдыр. Изге Язмалар өйрәнүе үткәрү хезмәтнең иң күңелле бер төре була ала. Безгә зур хөрмәт күрсәтелгән: без Йәһвә Сүзенең кеше тормышын үзгәрткәнен күрә алабыз (Евр. 4:12). Без кешеләргә «хакыйкатьне тануга ирешергә» ярдәм итәр өчен тырышып көч куйганда, бу Йәһвәгә рәхәтлек китерә (1 Тим. 2:4). Хәтта фәрештәләр дә берәр кеше тәүбә итсә, элекке тормышын калдырса, шатланалар (Лүк 15:10).
6. Безгә нинди хөрмәт күрсәтелгән?
6 Аллаһы «барлык кешеләрнең котылуын һәм хакыйкатьне тануга ирешүләрен тели» (1 Тим. 2:4). Без Аллаһы ихтыярын үтибез һәм Изге Язмалар өйрәнүләрен үткәреп, «игелек күрсәтүдән баш тартмыйбыз». Безгә шундый зур хөрмәт күрсәтелгән!