Әзерләнү яхшы кабат килеп китүләр ясарга ярдәм итә
1. Беренче гасырдагы вәгазь эше ничек таралырга тиеш булган?
1 Гайсә үз шәкертләрен «Патшалык хакындагы Яхшы хәбәрне» уңышлы итеп вәгазьләү өчен яхшы әзерләгән (Мат. 4:23; 9:35). Ул аларны Палестинада гына вәгазьләгәндә өйрәткән. Әмма күккә күтәрелер алдыннан Гайсә аның шәкертләре «бөтен халыклар арасыннан... шәкертләр» булдырачаклар дигән. Бу шуны күрсәткән: киләчәктә вәгазь эше киң таралачак (Мат. 28:19, 20).
2. Без Гайсәнең «шәкертләр булдырыгыз» дигән әмерен ничек үтибез?
2 Вәгазьләгәндә мәсихчеләр Аллаһы Патшалыгы турындагы яхшы хәбәр белән кызыксынган кешеләргә кабат килеп китәләр һәм аларны Мәсих кушканнарның барын да үтәргә өйрәтәләр. Мондый уңышлы кабат килеп китүләр ясар өчен, безгә яхшы әзерләнергә кирәк.
3. Беренче килүдә үк кабат килеп китүгә ничек нигез салып була?
3 Алдан сөйләшеп куй. Кайбер вәгазьчеләр беренче килүдә үк ачык сорау калдырырга тырышалар һәм аннары кабат килеп бу сорауга җавапны карап чыгарга вәгъдә бирәләр. Кабат килеп киткәндә алар «Хак тәгълиматлар» китабында китерелгән мәгълүматка игътибар итәләр, һәм бу аларга шунда ук Изге Язмалар өйрәнүен башларга ярдәм итә.
4. Ни өчен кабат килеп китәр өчен яңа журналларның килүен көтәргә кирәкми?
4 Кешегә журнал калдырган булсак, бу кабат килеп китәр өчен яңа журналны көтәргә кирәк икәнен аңлатмый. Кешедә булган журналдагы берәр мәгълүматны карап чыгып аның кызыксынуын үстереп була.
5. Кабат килеп киткәндә максат куйсак, бу нинди файда китерә?
5 Максат куй. Кабат килеп китәр алдыннан үзеңнең язуларыңны карап чыгар өчен берничә минут бүлеп куй һәм нинди максатка ирешергә теләгәнеңне билгелә. Мәсәлән, син калдырган басмадагы берәр фикерне карап чык. Яки сез сөйләшкән тема белән бәйле булган өстәмә әдәбиятны калдыр. Ә үткән вакытта сорау калдырган булсаң, синең максатың, әлбәттә, бу сорауга җавап бирү булыр. Әйтелгән фикер белән бәйле шигырьне нәкъ Изге Язмалардан укып чыгарга тырыш.
6. Кабат килеп киткәндә безнең максатыбыз нинди?
6 Безнең максатыбыз. Әлбәттә, безнең максатыбыз — Изге Язмалар өйрәнүен башлау. Бер абый-кардәш кабат килеп китүдә ир кешегә Изге Язмалар өйрәнүен тәкъдим иткән, әмма ул кире каккан. Абый-кардәш бу кешегә журналның соңгы саны белән яңадан килгән һәм болай дип әйткән: «Без бүген бер сорауга Изге Язмалар буенча җавап бирәбез». Кешенең җавабын тыңлаганнан соң абый-кардәш Изге Язмалардан шигырьне һәм Изге Язмалар өйрәнүен алып барыр өчен кулланган китаптан урынлы абзацны укып чыккан. Шулай итеп Изге Язмалар өйрәнүе башланган.
7. Яхшы әзерләнү сиңа Изге Язмалар өйрәнүен башларга ничек ярдәм итте?
7 Кабат килүләргә әзерләнү өчен вакыт бүлеп кую юкка гына түгел. Безнең шатлыгыбыз күбрәк булачак, һәм без «тормыш өчен сайлап алынганнарга» тормышка алып барган юл белән барырга ярдәм итә алырбыз (Рәс. 13:48).