Аллаһының иң зур бүләге өчен рәхмәтләребезне белдерик
1. Ни өчен без Йәһвәгә аеруча рәхмәтле?
1 Йәһвәнең күп игелекле бүләкләре арасында иң зур бүләк — аның кадерле Улы китергән йолым (Ягък. 1:17). Моның ярдәмендә без күп фатихалар ала алабыз, шул исәптән гөнаһларыбыз кичерелә (Эфес. 1:7). Шундый бүләк өчен без һәрвакыт рәхмәтле. Бу кыйммәтле бүләк турында уйланыр өчен, без аеруча яз көннәрендә вакыт бүлеп куябыз.
2. Гаиләбездә һәм үзебездә йолым өчен рәхмәт хисен ничек үстерә алабыз?
2 Рәхмәт хисен ничек үстерергә? Гаиләбездә рәхмәт хисен үстерер өчен, 30 нчы марттагы Гайсә үлемен Искә алу Кичәсе алдындагы атналарда гаилә белән гыйбадәт кылу кичендә йолым белән бәйле теманы карап чыгып була. Шулай ук Кичәгә кагылышлы программа буенча гаилә белән һәр көн Изге Язмаларны укы. Йолымның сиңа нинди файда китергәне турында һәм синең Йәһвәгә, үзеңә, башкаларга һәм киләчәккә карашыңа ничек тәэсир иткәне турында шәхси рәвештә уйлан. Сиңа шулай ук Кичәдә кулланылачак 8 нче һәм 5 нче ике яңа җырны җырлау файда китерәчәк (Мәд. 76:13).
3. Рәхмәтлелегебезне ничек белдерә алабыз?
3 Рәхмәтлелегебезне белдерү. Йолым өчен рәхмәтлелегебез безне башкаларга Йәһвә турында һәм аның үз Улын җибәреп күрсәткән зур яратуы турында сөйләргә дәртләндерә (Мәд. 144:2—7). Март, апрель һәм май айлары дәвамында кайбер гаиләләр үз рәхмәт хисләрен белдерер өчен, гаиләдән ким дигәндә бер кешегә ярдәмче пионер булып хезмәт итәргә мөмкинлек бирә. Бу мөмкин булмаса, «һәрбер очрактан дөрес файдаланып», син хезмәттә күбрәк катнаша аласыңмы? (Эфес. 5:16). Рәхмәт хисе безне шулай ук башкаларны Кичәгә чакырырга дәртләндерә (Ачыл. 22:17). Кабат килеп китәргә кирәк булган кешеләрне, Изге Язмаларны өйрәнүчеләрне, туганнарны, хезмәттәшләрне, күршеләрне чакырыр өчен исемлек төзи башла, һәм аннан соң Мәсихнең үлемен искә алу Кичәсенә чакыру кампаниясендә хәлеңнән килгәнчә катнаш.
4. Без яз көннәрен акыллылык белән ничек итеп куллана алабыз?
4 Яз көннәрендә яңа мөмкинлекләр ачыла: без Йәһвәгә аның кешелеккә биргән бүләге өчен никадәр рәхмәтле булганыбызны күрсәтә алачакбыз. Шул вакытны кулланып, йолым һәм «Мәсихнең чиксез байлыгы» өчен рәхмәт хисен үстерик һәм белдерик (Эфес. 3:8).