Сораулар Рамкасы

◼ Изге Язмалар өйрәнүе ишек алдында үткәрелсә, дога кылырга кирәкме?

Изге Язмалар өйрәнүен дога белән башласак һәм тәмамласак, яхшырак булыр. Догада без, Йәһвә өйрәнүебезне фатихаласын дип, аңардан изге рухын сорыйбыз (Лүк 11:13). Дога кылып, без шулай ук өйрәнүчебезгә Изге Язмалар өйрәнүенә җитди карарга кирәк икәнен күрсәтәбез һәм аны дога кылырга өйрәтәбез (Лүк 6:40). Шуңа күрә өйрәнүчебез белән мөмкин кадәр иртәрәк дога кылырга башларга кирәк. Өйрәнүчеләрнең шартлары төрле, шуңа күрә өйрәнүне ишек алдында үткәргән вәгазьчегә өйрәнүчесе белән кайчан дога кылырга башларга яхшырак икәнен үзенә хәл итәргә кирәк.

Беренчедән, өйрәнү нинди урында үткәрелгәнен исәпкә алырга кирәк. Өйрәнү регуляр рәвештә башкалар күрмәгән берәр урында үткәрелсә, өйрәнү алдыннан һәм соңыннан дога кылып була. Әйтик, дога кылуыбыз башкаларның игътибарын җәлеп итә яки өйрәнүчебезне уңайсыз хәлдә калдыра. Шул чакта, дога кылыр өчен, башка уңайлырак вакытны көтсәк, яхшырак булыр. Өйрәнүебезнең нинди урында үткәрелгәненә карамастан, безгә өйрәнүчебез белән кайчан дога кылырга башларга яхшырак икәне турында уйланырга кирәк («Безнең патшалык хезмәтебез» (рус), 2005 ел, март ае, 4 нче битне кара).