Сораулар рамкасы

◼ Рухи яктан үсәр өчен, балаларга нинди белем алу мөһим?

Мәсихче әти-әниләр балаларын бар көчләрен куеп «Йәһвә кушканча тәрбияләп үстерергә һәм үгетләп акылга өйрәтергә» тырыша (Эфес. 6:4). Мәсәлән, әти-әниләр балалары белән бергә һәр иртә көндәлек шигырьне карап чыгудан зур файда таба. Гаилә белән гыйбадәт кылганда я башка вакытта алар балалары белән берәр фильм карый ала, «Яшьләрнең сораулары» дигән рубрикадагы берәр мәкаләдән кайбер фикерләр карап чыга ала, Изге Язмалардан өзекләрне я төрле ситуацияләрне сәхнәләштерә ала. Ләкин балалары җитлеккәнлеккә ирешсен өчен, әти-әниләренә аларны Изге Язмалардагы тирән тәгълиматларга өйрәтергә кирәк (Евр. 6:1).

Вәгазьдә без кешеләрне нәрсәгә өйрәтәбез? Кешегә беренче тапкыр я кабат килгәндә, без аның белән тиешле басма ярдәмендә Изге Язмалар өйрәнүен башларга тырышабыз. Шул басманы тәмамлагач, без «Аллаһы мәхәббәтендә калыгыз» дигән китапка күчәбез. Ни өчен? Чөнки беренче басмадан кеше Изге Язмаларның төп тәгълиматлары белән таныша, ә «Аллаһы мәхәббәте» дигән китап ярдәмендә ул Изге Язмалардагы принципларны тормышта кулланырга өйрәнә. Бу ике басманы өйрәнү яңаларга Мәсихтә «тамырланырга» һәм «иманда тотрыклы булырга» булыша (Көл. 2:6, 7). Ә балаларыбызга бу басмалар файда китерә аламы? Алар да йолым һәм Патшалык турында белергә тиеш. Моннан тыш, балаларга үлгәч кеше белән нәрсә була, ни өчен Аллаһы газапларга юл куя һәм бу дөньяның соңгы көннәрен нинди билге аша танып була икәнен белергә кирәк. Аларга үзләренә Йәһвә Шаһитләренең хакыйкатькә өйрәткәненә инанырга кирәк. Өстәвенә, яшьләргә Изге Язмалардагы принципларны аңлау һәм сизгерлекләрен өйрәтү мөһим (Евр. 5:14). Әти-әниләргә үз балаларын яшенә һәм аңлау сәләтенә карап өйрәтергә кирәк. Әмма алар шуны истә тотсын: күп кенә балалар әле кечкенә булганда Изге Язмаларның тирән тәгълиматларына төшенә ала (Лүк 2:42, 46, 47).