МӘСИХЧЕ ТОРМЫШЫБЫЗ
«Паул Аллаһыга рәхмәтен белдерде һәм кыюланып китте»
Римдагы җыелыш Паулның килүе турында ишеткәч, абый-кардәшләр, аны каршы алыр өчен юлга чыгып, якынча 64 километр үткән. Аларның фидакарь яратулары Паулга ничек тәэсир иткән? «Аларны күргәч, Паул Аллаһыга рәхмәтен белдергән һәм кыюланып киткән» (Рс 28:15). Гадәттә, Паул килеп-киткән җыелышларын үзе дәртләндергән, әмма бу очракта, ул, тоткын булганга, үзе дәртләндерүгә мохтаҗ булган (2Кр 13:10).
Безнең көннәрдә район күзәтчеләре җыелыштан җыелышка кардәшләрне дәртләндереп йөри. Һәр мәсихченең арыган, борчылган, боеккан вакыты була, район күзәтчеләре дә андый хәлгә очрый. Район күзәтчесе хатыны белән җыелышыгызга килеп киткәндә, аларны ничек дәртләндереп җибәрергә? (Рм 1:11, 12)
Вәгазь очрашуларына килегез. Вәгазьчеләр район күзәтчесе килгән атнаны күбрәк катнашыр өчен тырышлыклар куйганда, ул дәртләнеп китә (1Тс 1:2, 3; 2:20). Бәлки, син шул айны ярдәмче пионер булып хезмәт итә алырсың? Аның үзе я хатыны белән вәгазьгә языла аласыңмы? Ә, бәлки, аларны Изге Язмалар өйрәнүенә ала алырсың? Төрле вәгазьчеләр белән бергә хезмәт итү аларга шатлык китерә. Алар әле генә вәгазьче булып киткән һәм хезмәттә әллә ни оста булмаган вәгазьчеләр белән хезмәт итәргә ярата.
Кунакчыллык күрсәтегез. Аларны үзеңдә яшәргә я ашап алырга чакыра алыр идеңме? Андый адым аша алар синең яратуыңны күрер. Шул ук вакыт алар әллә ни таләпчән түгел (Лк 10:38—42).
Аны тыңлагыз, әйткән сүзләрен һәм киңәшләрен тотыгыз. Район күзәтчесе яратудан чыгып, безгә хезмәтебезне ничек яхшыртып була икәнен күрергә булыша. Ә кайвакыт катырак киңәш тә бирер (1Кр 5:1—5). Без тыңлаучан һәм буйсынучан булганда, ул шатлана (Ев 13:17).
Рәхмәт белдерегез. Район күзәтчесенә һәм аның хатынына алар куйган тырышлыклар үзеңә нинди файда китергәнен сөйлә. Моны аларның үзләренә әйтеп я берәр открытка язып эшли аласың (Кл 3:15).