Йәһвәне яратучылар белән вакыт үткәрегез

Ни өчен безгә Йәһвәне яратучылар белән вакыт үткәрергә кирәк? Чөнки без аралашкан кешеләр безгә я яхшы, я начар яктан тәэсир итә (Гс 13:20). Мәсәлән, Йәһуәш патша, Йодай рухани белән аралашканда, «Йәһвә күзендә дөрес булганны кылып яшәгән» (2Ел 24:2). Ләкин Йодай үлгәч, Йәһуәш начар аралашу аркасында Йәһвәне калдырган (2Ел 24:17—19).

Б. э. беренче гасырында рәсүл Паул мәсихче җыелышны — «зур йорт» белән, ә җыелыш әгъзаларын «савытлар» белән чагыштырган. Йәһвә хупламаганны кылган кешеләр белән, шул исәптән гаиләбез я җыелыш әгъзасы белән, якын аралашудан качканда, без «хөрмәтле кулланыш өчен» савытлар булып калабыз (2Тм 2:20, 21). Шуңа күрә, әйдәгез, Йәһвәне яратучы һәм безне аңа хезмәт итәргә дәртләндерүче кешеләр арасыннан үзебезгә дуслар сайлыйк.

«ЯМАННАР БЕЛӘН АРАЛАШМА» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Ничек итеп без, үзебез дә абайламыйча, яманнар белән аралаша алабыз?

• Видеороликтагы өч кардәшкә начар аралашуны туктатырга нәрсә ярдәм иткән?

• Кем белән аралашырга икәнен сайлаганда, Изге Язмалардагы нинди принциплар сиңа зирәк булырга булышыр?