Ата-аналар, балаларыгызга белем бирегез

Бу дөньяда яхшыны яман дип, яманны яхшы дип атыйлар (Иш 5:20). Кызганычка каршы, кайберәүләр Йәһвә нәфрәт иткән эшләрне кыла, шул исәптән, үз җенестәге кешеләр белән яраксыз мөнәсәбәтләргә керә. Кадерле балаларыбызны мәктәптәге яшьтәшләре я башка кешеләр аздыра ала. Сез балаларыгызга шуңа охшаш сынауларны уңышлы итеп кичереп чыгарга ничек булыша аласыз?

Балаларыгызны Йәһвәнең нормаларына өйрәтегез (Лв 18:3). Аларның яшенә карап, Изге Язмаларда җенси мөнәсәбәтләр турында нәрсә әйтелгәнне аңлатып бирегез (Кн 6:7). Үз-үзегездән сорагыз: «Балам иркәләүне ничек белдерергә ярый, ә ничек ярамый икәнлеген беләме? Мин аны тыйнак киенергә никадәр мөһим икәненә өйрәтәмме? Башка кешеләр аның шәхси тормышына хөрмәт күрсәтергә тиеш икәнен аңлатаммы? Берәрсе баламны порнография карарга кыстаса я Йәһвә бозык дип санаганны кылырга кушса, балам ни эшләргә икәнен беләме?» Үз вакытында бирелгән белем аларны яклый ала (Гс 27:12; Вг 7:12). Балаларыгызны өйрәтеп, сез Йәһвә биргән мирасыгызны кадерләгәнегезне күрсәтәсез (Зб 127:3).

«НЫК ТОРАЧАК ЙОРТ ТӨЗЕ. БАЛАГЫЗНЫ ЯВЫЗЛЫКТАН САКЛАГЫЗ» ДИГӘН ВИДЕОРОЛИКНЫ КАРАП, КИЛӘСЕ СОРАУЛАРГА ҖАВАП БИРЕГЕЗ:

• 

  Ни өчен кайбер ата-аналар үз балаларына җенси тәрбия бирергә кыенсына?

• 

  Ни өчен ата-аналар үз балаларын «Йәһвә кушканча тәрбияләп үстерергә һәм үгетләп акылга өйрәтергә» тиеш? (Эф 6:4)

• 

  Балаларга тиешле җенси тәрбия бирер өчен, Йәһвә оешмасының нинди басмаларын кулланып була? (w19.05 12, рамка)

• Ни өчен, авырлыклар туганчы, балалар белән ачык аралашу мөһим?