Иллюстрацияләр сезгә күбрәк файда китерсен

Басмаларыбызда күп иллюстрацияләр китерелә. Алар мөһим фикерләрне ассызыклый. Бу иллюстрацияләр безгә күбрәк файда китерсен өчен, без нәрсә эшли алабыз?

• Мәкаләне укыр алдыннан иллюстрацияләрне карап чыгыгыз. Тәмле ризык күргәндә, аппетит ачыла. Нәкъ шулай ук иллюстрацияләрне карап чыгу да сездә кызыксыну уятыр һәм мәкаләне укырга дәртләндерер. Шуңа күрә үзегезгә мондый сорау бирегез: «Мин иллюстрацияләрдә нәрсә күрәм?» (Амус 7:7, 8)

• Мәкаләне укыганда, авторның бу иллюстрация белән нәрсә күрсәтергә теләгәне турында уйланыгыз. Иллюстрациягә комментарий белән аңлатмасына игътибар итегез. Шулай ук иллюстрациянең тема белән ничек бәйле булганы һәм аңардан нинди сабак алып булганы турында уйланыгыз.

• Мәкаләне укып чыккач, иллюстрацияләр ярдәмендә төп фикерләрне исегезгә төшерегез. Аннары, күзләрегезне йомып, иллюстрацияләрне күз алдына китерегез һәм алардан нәрсәгә өйрәнгәнегезне исегезгә төшерегез.

• Күнегү буларак, бу журналдагы иллюстрацияләрне карап чыгып, төп фикерләрне кабатлагыз.