«Һәммәсен Яхшы хәбәр бәрабәренә» эшләгез
1. Патшалык вәгазьчесе башкалар өчен нәрсә эшләргә әзер һәм ни өчен?
1 Рәсүл Паул үзен яхшы хәбәрне башкаларга вәгазьләргә бурычлы дип санаган (1 Көр. 9:16, 19, 23). Без дә кешеләрнең мәңгелек файдасы турында кайгыртып, аларга яхшы хәбәрне сөйләр өчен бар көчебезне куярга телибез.
2. Вәгазьләгәндә без нинди үзгәрешләр ясарга әзер һәм ни өчен?
2 Кайчан һәм кайда вәгазьләргә? Яхшы балыкчы кармагын яки ятьмәсен үзенә уңайлы вакытта һәм урында түгел, ә балык эләгә алган вакытта һәм урында сала. Безгә дә, «кешеләр тотучы» буларак, участокларыбызда кешеләрне очратыр өчен һәм «төрле балыкларны» җыю эшендә күбрәк шатлык алыр өчен графигыбызны бераз үзгәртеп була (Мат. 4:19; 13:47). Кешеләр белән сөйләшер өчен, без кичке вакытта өйдән-өйгә яки иртән урамда вәгазьли алабыз. Паулның максаты — тырышып «Яхшы хәбәрне вәгазь итү» булган, һәм моның өчен ул бар мөмкинлекләрне кулланган (Рәс. 17:17; 20:20, 24).
3, 4. Вәгазьләгәндә, без кереш сүзләребезне ничек үзгәртә алабыз, һәм бу нинди нәтиҗәләргә китерергә мөмкин?
3 Кирәк булганда кереш сүзләреңне үзгәрт. Балыкчылар төрле балыкны тотар өчен төрле җим кулланалар. Без участокларыбыздагы кешеләргә Патшалык турында яхшы хәбәрне кызыксындырырлык итеп күрсәтер өчен нәрсә эшли алабыз? Безгә кешеләрнең хисләрен исәпкә алып, аларны борчыган тема турында сорау бирергә һәм аларның җавапларын игътибар белән тыңларга кирәк (Ягък. 1:19). Сөйләшүне дәвам итәр өчен, без кешенең фикерен сорый алабыз (Гыйб. сүз. 20:5). Шулай итеп яхшы хәбәр турында кереш сүзләребезне кешенең үз тормышына кагылышлы итеп үзгәртә алачакбыз. Паул «барысына үзләре кебек» булган (1 Көр. 9:22). Кирәк булганда кереш сүзләребезне үзгәртеп, без кешеләрнең йөрәкләренә җиткереп сөйли алачакбыз.
4 «Иң яхшы нәрсәләр турында яхшы хәбәр» белән бүлешү зур шатлык китерә! (Ишаг. 52:7). Мөмкин булганча күбрәк кеше ишетсен өчен «һәммәсен Яхшы хәбәр бәрабәренә» эшлик (1 Көр. 9:23).