Kucungurwa Kuruga mu Misiri Kuhika ha Mukama ow’Okubanza owa Isareri

Musa akebembera Abaisareri kuruga omu Misiri kuhika ha Rusozi Sinai. Hanu nuho Ruhanga yabaherire ebiragiro bye. Hanyuma Musa akatuma entasi 12 okutata ensi ya Kanani. Baitu 10 ha banu bakaleeta obukwenda obubi. Kinu kikaletera abantu okugonza okugaruka Misiri. Habw’obutaba n’okwikiriza, Ruhanga akafubira Abaisareri okumara emyaka 40 nibandaara omu irungu.

Hamperu, Yosuha akakomwa okwebembera Abaisareri okubahikya omu nsi ya Kanani. Yahwe akasobozesa ebyamahano okubaho nukwo kibakonyere kutwara ensi egi. Akemereza ekyambu ekya Yorudani, ebisika bya Yeriko bikagwa, n’izooba likemerra kumara ekiro kyoona. Hanyuma y’emyaka mukaaga, ensi ekahambwa kuruga h’Abakanani.

Kutandika na Yosuha, Isareri ekalemwa abacwi b’emisango okumara emyaka 356. Baingi nitubegaho otwaliremu Baruki, Gidioni Yefuta, Samusoni, na Samuiri. Nitusoma ah’abakazi nka Rahabu, Debora, Yayeri, Rusi, Naomi, na Delila. Ekicweka kya KASATU nikitwara emyaka 396 ey’ebyafayo.