Abakaiso ba Yahwe Bantu ba Mulingo Ki?

Oina Abakaiso ba Yahwe ab’omanyire? Basobora kuba bali batahi, bakozi, rundi beegi bagenzi baawe. Osobora kuba wayegereho nabo Baibuli. Bantu ba mulingo ki, kandi habwaki batebeza omu rwijwire?

Bantu ba buli kiro. Twina endugirro ezitarukusisana. Abamu hali itwe twaramizaaga omu diini ezirukwahukana kandi abandi tutwaikiririzaaga muli Ruhanga. Tukabanza kwegesebwa Baibuli nubwo twafooka Abakaiso ba Yahwe. (Engeso 17:11) Obu twakigumize ngu ebitwayegere gaali mananu, tukacwamu kuramya Yahwe.

Tugasirwa obu twega Baibuli. Nk’abantu abandi, twina kugumira ebizibu n’obuceke. Baitu habw’okuhondera emisingi ya Baibuli mu buli kimu, obwomezi bwaitu busemiire. (Zabuli 128:1, 2) Enu niyo emu ha nsonga ezituletera kugambiraho abandi ebintu ebirungi ebi twegere kuruga omu Baibuli.

Tuhondera endengo za Ruhanga. Endengo zinu nkoku zegesebwa omu Baibuli, zitukonyera kuba abesigwa, ab’embabazi, n’okutamu abandi ekitiinisa. Zikonyera abantu kugira obwomezi oburungi, obumu omu maka n’engeso ennungi. Nk’oku Ruhanga atasoro’ra, naitwe nk’abantu be tuli omu kitebe ekitarumu kusoro’ra omu raangi kandi ekitarumu obutetegerezangana oburukurugirra omu kwetahya omu by’obulemi bw’ensi enu. Kinu habwakyo kitufoora abantu abembaganiza.​—Engeso 4:13; 10:34, 35.

• Biki Abakaiso ba Yahwe ebibasisaniza n’abantu abandi?

• Abakaiso ba Yahwe begere bintu ki ebirungi kuruga omu kusoma Baibuli?