Omulingo gw’okukozesa Burocuwa Huliriza Ruhanga

Burocuwa Huliriza Ruhanga ekakorwa kukonyera abeegi ba Baibuli abatamanyire kusoma kusobora kumanya amananu agarukubandirizibwaho. Buli isomo niritwara omwanya ogw’empapura ibiri kandi liine ebisisani hamu n’obumanyiso oburukwoleka omulingo ebisisani birukuhonderangana nukwo kikukonyere kusoborra omwegi wawe.

Burocuwa Huliriza Ruhanga Oyomeere Ebiro Byoona eine ebisisani nk’ebiri omu burocuwa Huliriza Ruhanga, baitu yo eine ebigambo biingiho kandi nitusobora kugikozesa ha beegi abarukulengaho kusoma. Abatebezi bagonza kugikozesa kusoborra abeegi baabo abarukukozesa burocuwa Huliriza Ruhanga. Empapura ezirukukira obwingi ziroho akasanduuko akarumu ebintu ebyongirweho kandi n’osobora kukakozesa kwegesa omwegi kusigikirra ha kwetegereza kwe.

N’osobora kugaba burocuwa zinu obwire bwona n’obuziraaba zitali z’okugaba okwezi oku. Kandi, obworaaba noyegesa omuntu Baibuli, kozesa ebisisani kumusoborra ebyahandiikirwe. Kozesa ebikaguzo kusobozesa omwegi kukugambira entekereza ye nukwo osobole kumukonyera kwetegereza. Musome kandi mubazeeho ebyahandiikirwe ebiri ha kumaliirra kw’orupapura. Hanyuma y’okumwegesa burocuwa enu, tandika kukozesa akatabu Baibuli Mali Eyegesa Ki? rundi Baibuli Etwegesa Ki? kukonyera omwegi waawe kukurakurana kuhika ha kubatizibwa.