‘Ruhanga Ekyateraniize Hamu . . .’

Kusigikirra ha Biragiro bya Musa, omusaija ayagonzaaga kugaitururwa na mukazi we, akaba asemeriire kutekaniza ebbaruha ey’okugaitururwa erukwikirizibwa omu biragiro. Kinu kyakonyeraga kutanga abantu kwanguhiriza kugaitururwa. Baitu omu kasumi ka Yesu, abebembezi b’ediini baali bafoire okugaitururwa ekintu ekyanguhire muno. Abasaija baali nibasobora kugaitururwa n’abakazi babo nibasigikirra ha buli nsonga yoona. (“ebbaruha ey’okugaitururwa” ebigambo ebirukusoborra Mar 10:4, nwtsty-E; “agaitururwa na mukazi we,” “buli asiihane kandi abakozere kubi mukazi we” ebigambo ebirukusoborra Mar 10:11, nwtsty-E) Yesu akasoborra nk’oku obuswere bwali butairweho Yahwe. (Mar 10:2-12) Omusaija n’omukazi baine kufooka “omubiri gumu” kandi baikale hamu ebiro byona. Omu kitabu kya Matayo, Yesu obwakaba nabazaaho ensonga niyo emu, akakyoleka ngu ensonga yonka erukwikirizibwa omu Byahandiikirwe ey’okugaitururwa niyo ‘ey’obusihani.’​—Mat 19:9.

Abantu abaingi kasumi kanu, obuswere tibaburora nk’oku Yesu yaburozere, baitu babutwara nk’Abafalisaayo nk’oku babutwaraga. Abantu b’ensi obu batunga ebizibu omu buswere bwabu, barahuka kugaitururwa. Baitu Abakristaayo abali omu buswere, batwara ebiragano byabo eby’obuswere nk’ekikuru kandi bekamba kuhondera emisingi ya Baibuli kuraba omu bizibu. Hanyuma y’okurora vidiyo Kugonza n’Okutamungana Ekitinisa Kiretera Amaka Kubamu Obumu, mugarukemu ebikaguzo binu:

• 

  N’osobora ota kuta omu nkora Enfumo 15:1 omu buswere bwawe, kandi habwaki kiri kikuru?

• Enfumo 19:11 n’esobora eta kukonyera kweriinda ebizibu?

• Obuswere bwawe obu buraaba buli haihi kuseseka, bikaguzo ki eby’osemeriire kubanza kwekaguza, omu kiikaro ky’okutekereza ha kugaitururwa?

• N’osobora ota kuba nyineka rundi nyina bwenge omurungi obworata omu nkora omusingi oguli omu Matayo 7:12?