Ikara Olindiriire n’Okugumiisiriza

Omazire kasumi ki olindiriire Obukama bwa Ruhanga? Osoboire kugumiisiriza n’obworaaba oikaire n’oraba omu bizibu? (Bar 8:25) Abakristaayo abamu banoberwe, nibabonabonesebwa, batairwe omu nkomo, abandi nibatinisirizibwa kwitwa. N’abandi baingi nibagumiisiriza ebizibu nk’okukaikura, kugurusa hamu n’endwaire ez’amaani.

Kiki ekiratukonyera kwikara tulindiriire n’ekihika n’obuturaaba twine ebizibu? Tusemeriire kusoma Baibuli buli kiro n’okwecumitirizaaho ebitusoma nukwo okwikiriza kwaitu kwikale kugumire. Tusemeriire kuta omutima ha kunihira kwaitu. (2Kol 4:16-18; Baheb 12:2) Tusemeriire kwesengereza Yahwe omu kusaba atuhe amaani ge ag’omwoyo ogurukwera. (Luk 11:10, 13; Baheb 5:7) Isiitwe ow’okugonza nasobora kutukonyera ‘kugumiisiriza n’okugumira byona twine okusemererwa.’​—Bak 1:11.

MUROLE VIDIYO TUSEMERIIRE “KWIRUKA N’OKUGUMIISIRIZA”​—KIGUMYE NGU NOIJA KUTUNGA EMPEERA, KANDI HANYUMA MUGARUKEMU EBIKAGUZO BINU:

• 

  Bintu ki ebitutarukunihira ebisobora kutubaho omu bwomeezi bwaitu? (Mug 9:11)

• 

  Kusaba kutukonyera kuta obutuhikwaho ebizibu?

• 

  Obuturaaba tutakyasobora kuheereza Yahwe nk’oku twakoraga kara, habwaki kikuru kuta omutima hali ebi ebiturukusobora kukora?

• 

  Kiki ekikukonyera kwikara n’ogumya ngu noija kutunga empeera?