Yahwe Aratekereza Ki?

Tutakakozere encwamu yoona; tubanza kwekaguza, ‘Yahwe aratekereza ki?’ N’obukiraaba ngu titusobora kumanya byona Yahwe ebyatekereza, atwolekere entekereza ye omu Kigambo kye nukwo tusobole kukora “omulimo gwona omurungi.” (2Tim 3:16, 17; Bar 11:33, 34) Yesu akaba n’amanya kurungi Yahwe eby’agonza kandi nibyo y’ayebembiize omu bwomeezi bwe. (Yoh 4:34) Obuturakora encwamu ezirukusemeza Yahwe nitwija kuba nitwegera ha kyokurorraho kya Yesu.​—Yoh 8:28, 29; Bef 5:15-17.

MUROLE VIDIYO IKARA N’OMANYA YAHWE EBY’AGONZA (LEV 19:18), HANYUMA MUGARUKEMU EBIKAGUZO BINU:

• Habwaki tusemeriire kuta omu nkora emisingi ya Baibuli?

• Misingi ki eya Baibuli ey’eratukonyera kumanya ebizina ebitusemeriire kuhuliriza?

• Misingi ki ey’eratukonyera kumanya omulingo tusemeriire kujwara n’okwekoraho?

• Nyikara ki ezindi nambere tusemeriire kwoleka ngu nituta omu nkora emisingi ya Baibuli?

• Nitusobora tuta kwongera ha busobozi bwaitu obw’okumanya Yahwe eby’agonza?