Wesomeseze omu Kiikaro Ekirungi

Wakugondeze kweyongera kugasirwa omu kwesomesa kwawe? Amagezi ganu nigasobora kukukonyera kuteekaho omutima obu orukuba noyesomesa:

• Serra ekiikaro ekirungi. Obu kiraaba nikisoboka serra ekiikaro eky’ecumi kandi ekiine ekyererezi ekirukumara. Nosobora kwikarra ha ntebe rundi kusomera ha meeza, rundi nosobora kukomamu ekiikaro ekitekaine aheeru y’enju.

• Serra ekiikaro ekitarumu abantu. Yesu akacwamu kusaba “nyenkyakara muno hakyaliyo omwirima . . . omu kiikaro ekitarumu bantu.” (Mar. 1:35) Obu kiraaba kitarukusoboka kuba wenka, nosobora kumanyisa ab’orukwikara na bo omu nju kumanya enteekaniza yaawe ey’okwesomesa nukwo batakutalibaniza.

• Teekaaho omutima obu orukuba noyesomesa. Wetantale ebirukuhugura. Obu oraaba okozesa esimu yaawe rundi tabuleeti yaawe kwesomesa, giteke omu setingi eya airplane mode nukwo otatunga obutumwa oburakuhugura. Kandi kakuba otekerezaaho ekintu eki osemeriire kukora, kihandiike ha rubaju nukwo kitakweba kukikora hanyuma kandi ogumizeemu noyesomesa. Obu kiratandika kukugumira kuteekaho omutima, huumuramu, orubatarubatemu kandi oyegonyoole.