Wesomese n’Ekigendererwa ky’Okugambiraho Abandi Ebi Oyegere

Obu twesomesa Baibuli tugarukwamu amaani, baitu tweyongera kugarurwamu amaani obu tugambiraho abandi amasomo aga twegere. Omu Enfumo 11:25 nihagamba: “Anyakwitirra nuwe aliitirrwa.”

Obu tugambiraho abandi ebi twegere, kitukoonyera kwanguha kwijuka ensonga n’okuzetegereza kurungi. Kandi kituleetera okusemererwa kubagambira ebi twegere habwokuba nitukimanya ngu nibisobora kubakoonyera.—Ebik. 20:35.

Lengaho kinu: Omu wiiki ey’erukuhonderaho, serra omugisa ogw’okugambiraho omuntu ha bintu ebi oyegere. Noosobora kugambiraho omunyabuzaale waawe, omuntu ow’omu kitebe eki orumu, omukozi mutaahi waawe, omwegi mutaahi waawe, omutaahi rundi omuntu ow’oratangaana omu buheereza. Lengaho kumusoborra omu bigambo byawe omu mulingo ogwanguhire kandi ogurukwetegerezebwa kurungi.

Ijuka kinu: Gambiraho abandi ha bintu ebi oyegere n’ekigendererwa eky’okubagarramu amaani, hatali kubooleka ngu omanyire bingi.—1 Kol. 8:1.