Ebirumu

Tusemeriire kukora ki kakuba twehurra ngu ebizibu bituhinguraineho kandi ngu titukyasobora kubigumisiriza? Omu kicweka kinu nitwija kubazaaho ekyahandikirwe kyaitu eky’omwaka 2018. Nitwija kurora habwaki nitwetaaga amaani kuruga hali Yahwe kandi n’omulingo aragatuha.

Omwaka gunu, omukoro gw’Okwijuka Okufa kwa Yesu nigwija kubaho Kyamukaaga, Maaci 31, 2018. Nitusobora kwetekaniririza tuta ekiro eki? Nitwija kugasirwa tuta obu turaba ha mukoro gunu? Kandi Ekiijukyo kiretaho kita obumu omu bantu ba Yahwe omu nsi yoona? Ekicweka kinu nikiija kugarukamu ebikaguzo binu.

Buli kintu ekitwine kiruga hali Yahwe. Baitu atuha omugisa ogw’okugira eki twamuha, n’okukozesa ebitwine kusagika omulimo ogurukukorwa ekitebe kye. Habwaki? Kandi nitugasirwa tuta obu tumuha ebintu byaitu eby’omuhendo? Nitwija kugarukamu ebikaguzo binu omu kicweka kinu.

Ekicweka eky’okubanza ha bicweka binu nikyoleka nk’oku okusemererwa kwonyini kuruga omu kugonza Yahwe hatali omu kwegondeza itwenka nk’oku abantu “omu biro [binu] ebyahanyuma” bakora. (2 Timoseo 3:1) Ekicweka ekyakabiri nikyoleka omulingo abantu ba Yahwe bahukanaho n’abantu ab’omu kasumi kanu.