Nooha Yatandikireho Ediini Yanyu?

Ekitebe eky’Abakaiso ba Yahwe kikatandika ha kumalirra kw’ekyasa kya 19. Kasumi ako, guruupu entaito ey’Abeegi ba Baibuli abaikaraga haihi na Pittsburgh, Pennsylvania, omu United States, bakatandikaho entekaniza y’okwekebiija Baibuli n’obwegendereza. Baalengesanizaga enyegesa ez’amadiini agandi n’eki Baibuli ekyegamba. Bakatandika kuteeka ebibeegere omu bitabu, omu mpapura z’amakuru n’omu katabu hati akarukumanywa nka Omunaara gw’Omulinzi—Ogurukurangirra Obukama bwa Yahwe.

Omu guruupu egi ey’Abeegi ba Baibuli hakaba harumu omusaija arukwetwa Charles Taze Russell. N’obukiraaba ngu kasumi ako nuwe akaba nayebembera omulimo gw’okwegesa abantu Baibuli kandi yakonyera omu kuhandiika magaziini eya Omunaara gw’Omulinzi eyabandize, tali nuwe yatandikireho ediini yaitu. Ekigendererwa kya Russell hamu n’Abeegi ba Baibuli kyali ky’okwegesa abantu enyegesa za Yesu Kristo n’okukora ebintu omulingo byakorwaga ekitebe Ekikristaayo eky’omu kyasa eky’okubanza. Habwokuba Yesu nuwe yatandikireho ekitebe Ekikristaayo, tumurora nk’ayatandikireho ekitebe kyaitu.—Abakolosai 1:18-20.