Abakaiso ba Yahwe Bakora Omulimo gw’Obumiisani?

Ego. Hoona nambere Abakaiso ba Yahwe bali, balengaho kuba n’omutima gw’obumiisani. Butoosa tutebeza abantu abatutangatangana.—Matayo 28:19, 20.

Ekindi, Abakaiso ba Yahwe abamu bagenda kutebeza omu biikaro ebindi ebiri omu ihanga lyabo nambere abantu baingi batakahuliire obutumwa bwa Baibuli. Kandi abandi bagenda omu nsi ezindi nukwo basobole kweyongera kutebeza abantu baingi. Kibasemeza habw’okwejumbira omu kuhikiiriza obunabbi bwa Yesu oburukugamba ngu: “Muraikaraga bakaiso bange . . . nokuhikya empero zensi.”—Engeso Ezabakwenda 1:8.

Omu 1943, tukatandikaho isomero eritendeka abamiisani. Kuruga omwaka ogu, Abakaiso ba Yahwe abarukuhingura omu 8,000 bagenzere omu isomero linu erirukumanywa nka Watchtower Bible School of Gilead.