Abakaiso ba Yahwe Bapurotesitanti?
Nangwa. Abakaiso ba Yahwe bali Bakristaayo, baitu tituli Bapurotesitanti. Habwaki nitugamba tuti?
Ediini ey’Abapurotesitanti ekira kumanywa nk’ediini erukuhakaniza Abakatuliki. N’obukiraaba ngu Abakaiso ba Yahwe tibaikiranganiza n’enyegesa z’Abakatuliki, tituli Bapurotesitanti habw’ensonga zinu:
Enyegesa nyingi ez’Abapurotesitanti tizikiranganiza na Baibuli eby’eyegesa. Ekyokurorraho, Baibuli eyegesa ngu “haroho Ruhanga omu,” hatali omu, omu Busatu. (1 Timoseo 2:5; Yohana 14:28) Kandi eyegesa ngu Ruhanga alihwerekerereza kimu ababi baitu hatali omu murro ogutaraara.—Zabuli 37:9; 2 Abasesalonika 1:9.
Titukuhakaniza Abakatuliki rundi ediini endi yoona. Oihireho, tutebeza amakuru amarungi ag’Obukama bwa Ruhanga, obu nitukonyera abandi kwombeka okwikiriza kwabu. (Matayo 24:14; 28:19, 20) Ekigendererwa kyaitu tikiba ky’okuhakaniza ediini ezindi, baitu kiba ky’okwegesa abandi amananu agarukukwata hali Ruhanga agali omu Baibuli.—Abakolosai 1:9, 10; 2 Timoseo 2:24, 25.