Isomo 7
Okwirra Haihi na Ruhanga Omukusaba
Habwaki kiri kikuru kusabaga butoosa? (1)
Tusemerire kusaba oha, kandi tuta? (2, 3)
Bintu ki ebitusemerire kusaba? (4)
Osemerire kusaba di? (5, 6)
Ruhanga ahuliriza buli kusaba kwona? (7)
1. Okusaba nikwo kwebundaza nobaza na Ruhanga. Oine kusaba Ruhanga butoosa. Omu mulingo gunu oyehu’ra oli haihi nawe nk’okwoba n’amunywani wawe nfa nanfe. Yahwe mukuru muno kandi w’amani, kyonka ahuliriza okusaba kwaitu! Osaba Ruhanga butoosa?—Zabuli 65:2; 1 Abasesalonika 5:17.
2. Okusaba kicweka ky’okuramya kwaitu. Nahabw’ekyo tusemerire kusaba Ruhanga Yahwe wenka. Yesu obwakaba ali hansi, yasabaga Ise hatali omuntu ondi wena. Twakukozere nikyo kimu. (Matayo 4:10; 6:9) Baitu okusaba kwaitu kwona kutekwa kuraba omu ibara lya Yesu. Kinu nikyoleka ngu nituha ekikaro kya Yesu ekitinisa kandi ngu nitwikiririza omu kihongwa ky’ekicunguro kye.—Yohana 14:6; 1 Yohana 2:1, 2.
3. Obutuba nitusaba tusemerire kubaza na Ruhanga kuruga omu mitima yaitu. Titusemerire kusaba nituijuka ebitwakwasire omu mutwe n’obukwakuba kusoma kuruga omu kitabu ky’esara. (Matayo 6:7, 8) Tusobora kusabira omu mulingo gwona ogutulimu ogukuheisa ekitinisa, obwire bwona kandi buli hantu hona. Ruhanga ahuliriza okusaba kwaitu okw’omu mutima tuculire. (1 Samuiri 1:12, 13) Kiri kirungi kutunga ekikaro ekiculerire kimu ahatali bantu obutuba nitwesabira itwenka.—Marako 1:35.
4. Bintu ki ebitusobora kusaba? Ekintu kyona ekikusobora kuba ni kikwata h’abunywani bwawe nawe. (Abafiripi 4:6, 7) Eky’okurorraho ky’okusaba ky’oleka ngu twakusabire ebikukwata ha’ibara lya Yahwe nebigendererwa bye. Kandi nitusobora n’okusaba atuhe ebyetaago byaitu eby’omubiri, ebibi byaitu bituganyirwe, kandi n’okutukonyera kutukingiriza okwohebwa. (Matayo 6:9-13) Okusaba kwaitu tikwakubaire kw’okwetekerezaho itwenka. Twakusabire ebyo ebikuhikana na Ruhanga ebyagonza byonka.—1 Yohana 5:14.
5. Osobora kusaba buli obwohurra omutima gwawe nigugonza kusiima rundi kuhaisaniza Ruhanga. (1 Ebyomubusinge 29:10-13) Oina kusabaga kakusangwa oba oina ebizibu kandi nokwikiriza kwawe kuli omu kulengesebwa. (Zabuli 55:22; 120:1) Kisemerire kusaba otakaliire by’okulya byawe. (Matayo 14:19) Yahwe natwekambisa kusaba “buli kaire.”—Abefeso 6:18, NW.
6. Kukira muno nikitwetaagisa kusaba obutuba tukozere ekibi kikooto. Omu bwire obwo twina kusaba Yahwe atugii’re embabazi kandi atuganyire. Obu twatura ebibi byaitu haliwe kandi tukalengaho muno butabigarukira, Ruhanga “arahuka okuganyira.” —Zabuli 86:5; Enfumo 28:13.
7. Yahwe ahuliriza okusaba kw’abantu abahikirire bonka. Okusaba kwawe kuhulirwa Ruhanga, oina kuba nolengaho muno kuhondera ebiragiro bye. (Enfumo 15:29; 28:9) Oina kwebundaaza mu kusaba. (Luka 18:9-14) Oina kuko’ra hali ekyo ekyosabire. Oija kuba n’oyoleka ngu oina okwikiriza kandi ngu nomanyisiza kimu ekyo eky’okugamba. Obwo nubwo Yahwe aragarukamu okusaba kwawe.—Abaheburaniya 11:6.