Isomo 8

Obwomezi bw’Amaka Obusemeza Ruhanga

Omusaija aina kikaro ki omu maka? (1)

Omusaija asemerire kuraby’ata mukyara we? (2)

Bujunanizibwa ki taata obw’aina? (3)

Omukyara aina kikaro ki omu maka? (4)

Ruhanga nayetagisa ki abazaire n’abaana? (5)

Baibuli eina ntekerezaki omu kwahukana nokugaitu’rwa obuswezi? (6, 7)

1. Baibuli egamba ngu omusaija nuwe omutwe gw’amaka ge. (1 Abakolinso 11:3) Omusaija atekwa kuba n’omukazi omu wenka. Basemerire kuba omu buswezi obuhikire oburukwikirizibwa mu biragiro.—1 Timoseo 3:2; Tito 3:1.

2. Omusaija asemerire kugonza mukazi we nkokw’ayegonza wenka. Asemerire kumutwara nka Yesu oku atwara abegeswa be. (Abefeso 5:25, 28, 29) Taina kutera mukazi we n’obukwakuba kumurabya kubi omu mulingo gwona. Kwihaho, asemerire kumuha ekitinisa.—Abakolosai 3:19; 1 Petero 3:7.

3. Taata asemerire kukora muno kurole’ra ab’omu maka ge. Naragirwa kutungira mukazi we n’abaana eby’okulya, eby’okujwara n’ah’okubyama. Kandi taata aina kuha ab’omuka ye ebyetaago by’omwoyo. (1 Timoseo 5:8) Nuwe atwara obwebembezi omu kukonyera ab’omuka ye kwega ebikukwata hali Ruhanga n’ebigendererwa Bye.—Ekyebiragiro 6:4-9; Abefeso 6:4.

4. Omukazi asemerire kuba mukonyezi murungi hali iba. (Okubanza 2:18) Aina kukonyera iba omu kwegesa hamu n’okutendeka abana babu. (Enfumo 1:8) Yahwe nayetaaga omukyara arole’re amaka ge n’okugonza. (Enfumo 31:10, 15, 26, 27; Tito 2:4, 5) Aina kutekamu iba ekitinisa.—Abefeso 5:22, 23, 33.

5. Ruhanga n’agonza abaana kw’orobera abazaire babu. (Abefeso 6:1-3) Nagonza abazaire kuba nibahabura n’okuterekereza abaana babu. Abazaire nikibeetagisa kumara omwanya baine abaana babu nibasoma hamu Baibuli, nibabarole’ra omu byetaago byabo by’omwoyo n’eby’ebitekerezo. (Ekyebiragiro 11:18, 19; Enfumo 22:6, 15) Abazaire tikibasemerire kufubira abana babu n’ekiniga kingi, n’okuhutaza.—Abakolosai 3:21.

6. Kakusangwa abaswerangaine basanga obuzibu omu kwikara hamu, basemerire kulengaho kukozesa okuhabura kwa Baibuli. Baibuli etutere’ra okwoleka okugonza n’okuganyira. (Abakolosai 3:12-14) Ekigambo kya Ruhanga tikisagika ngu kwahukana guli nk’omulingo gw’okuterekerezamu ebizibu ebitaitotaito. Kyonka omukazi asobora kucwamu kuleka iba kakuba aba, (1) ayangire bwanga kurolerra ab’omuka ye, (2) aba mukambwe muno enyikara y’omukazi n’obwomezi bwe buli omu kabi kakooto, (3) okulemesa okwateireho tikukusobozesa omukazi kuramya Yahwe.—1 Abakolinso 7:12, 13.

7. Abaswerangaine basemerire kuba besigwa buli omu hali mugenziwe. Obusihani kiri kibi omu maiso ga Ruhanga n’omu maiso ga mugenzi wawe omu buswezi. (Abaheburaniya 13:4) Kuteraana n’omuntu ondi ow’aheru y’obuswezi nubwo bulyo bw’onka omu Byahandiikirwe obusobora kusigikirwaho kugaitu’rwa omu buswezi noba oina obugabe kutaha mu buswerangaine obundi. (Matayo 19:6-9; Abarumi 7:2, 3) Yahwe anobera kimu ekikorwa kya bantu kugaitururwa omu buswezi hataroho bulyo bwona kuruga omu Byahandiikirwe kandi bakaswerangana n’omuntu ondi.—Malaki 2:14-16.

[Ekisisani ekiri ha rupapura 16, 17]

Taata owengonzi arole’ra ab’omuka ye mu by’omubiri n’omu by’omwoyo

[Ekisisani ekiri ha rupapura 17]

Ruhanga n’agonza abazaire kwegesa abaana babu n’okubahabura