EKICWEKA 8

Okufa kwa Yesu Nikukugasira Kuta?

Yesu akafa tusobole kuba bomeezi. Yohana 3:16

Abakazi nibarora ekituuro kya Yesu baitu tarumu

Ebiro bisatu birabireho hanyuma y’okufa kwa Yesu, haroho abakazi abagenzere ha kituuro kye kyonka baasanga atarumu. Yahwe akaba amuhubwire kuruga omu bafu.

Yesu abonekera abakwenda be kandi hanyuma atemba omu iguru

Hanyuma Yesu akabonekera abakwenda be.

Mali kwo, Yahwe akaba ahumbwire Yesu nk’omuntu ow’omwoyo, ow’amaani, kandi atarukufa. Abegeswa ba Yesu bakamurora n’atemba omu iguru.

Ruhanga akahumbura Yesu kandi y’amufoora Mukama w’Obukama bwa Ruhanga. Danieri 7:13, 14

Yesu aikalirre ha kitebe kye eky’Obukama, n’alema abantu omu rugonjo rwa Ruhanga

Yesu akahayo obwomezi bwe asobole kutusasu’ra ekicunguro. (Matayo 20:28) Kuraba omu kicunguro Ruhanga n’atuha omugisa kwomeera ebiro byoona.

Yahwe akakoma Yesu kulema nk’Omukama w’ensi. Naija kulema n’abantu abesigwa 144,000 abahumburwa kuruga mu nsi baikale omu iguru. Yesu hamu n’abantu banu 144,000 nibo bakora gavumenti erukwera ey’omu iguru. Gavumenti egyo nubwo Bukama bwa Ruhanga.—Okusuku’rwa 14:1-3.

Obukama bwa Ruhanga nibwija kufoora ensi kuba orugonjo rwa Ruhanga. Obulemu, obucwi bw’ebiragiro, obunaku, n’enjara tibiribaho. Abantu nibaija kuba omu kwegonza mali.—Zabuli 145:16.