Oragasirwa ota Obw’oraija omu Nso’rokano Zaitu?

Abantu baingi balekere kugenda omu makanisa habwokuba tibatungire okuhumuzibwa n’okukonyerwa omu by’omwoyo. Baitu habwaki wakugenzere omu nso’rokano z’Abakaiso ba Yahwe? Kiki eky’orasangayo?

Noija kutunga okusemererwa okuruga omu kuso’rokana n’abantu abarukwoleka okugonza n’okufaayo. Omu kyasa eky’okubanza, Abakristaayo baali batekaniziibwe omu bitebe kandi bagiraga enso’rokano z’okuramya n’okwega Ekigambo kya Ruhanga hamu n’okugarranganamu amaani. (Abaheburaniya 10:24, 25) Bahu’raga obusinge habw’okwehingulirizibwa ab’oruganda abarukwoleka okugonza. (2 Abasesalonika 1:3; 3 Yohana 14) Naitwe tuhondera ekyokurorraho kyabu ekituletera okusemererwa.

Noija kutunga emigisa ey’erukuruga omu kukorra ha misingi ya Baibuli. Nkoku kyali omu busumi obweira, nahati abasaija, abakazi, n’abaana, itweena tuso’rokanira hamu kwegesebwa. Abasaija abatendekerwe kurungi batukonyera kukorra ha misingi eyeri omu Baibuli. (Ekyebiragiro 31:12; Nehemiya 8:8) Okubaho n’okuzinira hamu tuli omu nso’rokano zaitu, kituha omugisa gw’okwoleka okunihira kwaitu.​—Abaheburaniya 10:23.

Noija kugumya okwikiriza kwawe. Omukwenda Paulo nukwo ati y’agambiire ekimu ha bitebe ebyabaireho omu kasumi ke: “Baitu ningoza muno kubarora, . . . mugumibwe nukwo nyowe okuhumuzibwa, hamu nainywe itwembi habwokwikiriza okwanyu nokwange.” (Abarumi 1:11, 12) Buli obu tuba hamu n’abaikiriza bagenzi baitu omu nso’rokano, okwikiriza kwaitu kugumibwa kandi kitukonyera kugumira ha misingi ya Baibuli.

Habwaki otabaho ha ruso’rokano rwaitu orurahonderaho okerorra ebintu binu? Noija kutangirirwa kurungi, kandi tihaliyo kusoroza sente.

• Enso’rokano zaitu zitekaniziibwe zita?

• Tugasirwa tuta obutubaho omu nso’rokano?