Enso’rokano Zaitu Tusemerire Kuzetekaniriza Tuta?

Obworaaba osoma Baibuli n’omu h’Abakaiso ba Yahwe, nitunihira obanza kutekaniza ebimurukugenda kwega. Kusobora kugasirwa omu nso’rokano, oina kukora ekintu nikyo kimu. N’oija kugasirwa obw’orayeteraho entekaniza enungi kandi okagihondera.

Wetereho obwire n’ekiikaro ebisemerire. Ddi obw’oyetegereza kurungi eby’orukusoma? Nyenkyakara muno otakatandikire emirimo yaawe, rwebagyo oinukire, rundi abaana bamazire kubyama? N’obworaaba n’omara obwire butaito n’osoma, lengaho kurora ngu obwire obw’okomere obukozesa kurungi kandi otaikiriza ekintu kyoona kukuhugura. Tunga ekiikaro ekiculiire, oiheho byoona ebirukusobora kukuhugura nka rediyo, T.V, hamu n’amasimu. Kutandika n’okusaba nikiija kukukonyera kutekaana okatekaho omutima hali eby’orukusoma.​—Abafiripi 4:6, 7.

Teeka emanyiikirizo ha nsonga enkuru ey’otungire. Tandika n’okwetegereza ekicweka eky’orukugenda kusoma. Rora omulingo omutwe omukuru gurukukwataganamu n’emitwe emitaito, kandi n’omulingo ebisisani n’ebikaguzo eby’okweyijukya birukukwataganamu n’ebyosomere. Hati soma obucweka n’oserra eky’okugarukamu kuruga omu bucweka obu. Ebyahandiikirwe ebijuliziibwe nabyo bisome, n’olengaho kurora omulingo birukusagikamu ebibaziibweho omu bucweka. (Engeso 17:11) Omazire kutunga eky’okugarukamu, kitekeho emanyiikirizo erakukonyera kukiijuka. Kinu nikiija kukusobozesa kwimukya omukono gwawe oli omu nso’rokano kubaho n’eky’okugarukamu.

Obw’oragenda omu nso’rokano buli wiiki, noija kuhu’ra ebicweka eby’enyahukana nibisobororwa kandi noija kwega ebintu biingi ebihyaka kuruga omu Baibuli, oyongere ha ‘lyahurro lyawe.’​—Matayo 13:51, 52.

• N’osobora ota kwetekaniriza enso’rokano?

• Kiki ekirakukonyera kugarukamu oli omu nso’rokano?