Amananu Agarukukwata ha Bukama bwa Ruhanga
Yesu akeegesa abahondezi be kusabaga bati: “Isitwe ali omu iguru, ibara lyawe [lyezebwe]. Obukama bwawe bwije. Ebyogonza bikorwe hansi nkoku babikora omu iguru.” (Matayo 6:9, 10) Obukama bwa Ruhanga nikyo kiki? Nibukora bintu ki? Kandi habwaki tusemeriire kwikara nitusaba ngu bwije?
Yesu nuwe Omukama w’Obukama bwa Ruhanga.
Luka 1:31-33: “Olimuruka ibaralye Yesu. Aliba mukuru, kandi alyetwa Omwana wogu Anyakuli Haiguru muno: kandi Mukama Ruhanga alimuha ekitebe kya Daudi isenkuruwe. Kandi alirema enju ya Yakobo ebiro nebiro; kandi Obukama bwe tibulihwaho.”
Yesu akebembeza Obukama nk’ensonga enkuru omu kutebeza kwe.
Matayo 9:35: “Yesu yagendagendaga omu mbuga zona, enkoto nenke, nayegesa omu masorrokaniro gabo, natebeza enjiri eyobukama, nakiza orufu rwona nendwara zona.”
Yesu akaha abegeswa be ak’okurorraho kubakonyera kumanya akasumi Obukama bwa Ruhanga buliziramu.
Matayo 24:7: “Ihanga liriramagira ihanga, nomukama aliramagira omukama: halibaho ekiihe nemisisa handi na handi.”
Abegeswa ba Yesu hati nibatebeza ha Bukama bwa Ruhanga omu nsi yoona.
Matayo 24:14: “Nenjiri enu eyobukama eritebezebwa omu nsi zona, okuba kaiso hali amahanga gona; nubwo empero erihika.”