Heereza Abandi Ebintu Ebirungi n’Osembeza Abagenyi (Mat. 12:35a)

Itwena tugonza kuheereza abantu bandi ebintu ebirungi nitubasembeza omu maka gaitu. (Bar. 12:13) Abagurusi batereriirwe okufaayo kurora ngu ab’oruganda ababa baizire okuheereza embazo kuruga omu bitebe ebindi esente ezibakozeseze omu by’endubata zibagarrurwa kandi n’okubasembeza, bakalya nabo kyamusana. Baitu obwire obumu tutiina kusembeza ab’oruganda banu habw’okugira bike rundi tweralikiirra kuraliza abantu omu maka gaitu. Obu turahondera okuhaburwa Yesu okuyahaire Maliza, nikwija kutukonyera kuhwamu okutiina. (Luka 10:39-42) Akooleka ngu ‘omugabo ogusemiire’ omu kusembeza abantu, nukwo kugarranganamu amaani hatali ebyokulya ebingi rundi omulingo amaka gaitu garukusisanamu. Kakusangwa tuhondera obuhabuzi bunu, nitwija kuheereza ab’oruganda ebintu ebirungi nitubasembeza omu maka gaitu nkoku Ekigambo kya Ruhanga kigamba.—3 Yoh. 5-8.