Ebintu eby’Okukozesa Nitwegesa
1. Abakristaayo balengesanizibwa bata na babaizi?
1 Ababaizi bakozesa ebikwato eby’embaganiza obubaba nibabaija. Ebimu abikozesa aine emirimu ey’embaganiza baitu ebindi abikozesa buli kiro. Omubaizi omurungi aba n’ebikwato ebyakira kukozesa omu kasanduuko ke buli kaire. Baibuli eterererra buli Mukristaayo kuba “omukozi atarukukwatwa ensoni.” (2 Tim. 2:15) Kintu ki ekitukira kuba nakyo omu nsaho zaitu? Nikyo Kigambo kya Ruhanga Baibuli—ei tukozesa okufoora abantu “abegeswa.” (Mat. 28:19, 20) Nahabwekyo, tusemeriire kumanya omulingo gw’okugikozesamu ‘kusobo’ra kurungi ekigambo ky’amazima.’ Oihireho Baibuli, haroho ebintu ebindi ebitukira kukozesa, buli Mukristaayo eby’asemeriire kumanya kukozesa kurungi.—Nfu. 22:29.
2. Bintu ki ebi tusobora kukozesa kwegesa abantu Baibuli?
2 Ebintu Ebitukozesa Okwegesa Abantu Baibuli: Oihireho Baibuli, bintu ki ebindi ebitusemeriire kukozesa nitwegesa? Tukira muno kukozesa akatabu Baibuli Mali Eyegesa Ki? okwegesa abantu amananu agali omu Baibuli. Omwegi obwamara akatabu kanu, tutandika akatabu akandi akarukwetwa “Keep Yourselves in God’s Love” n’ekigendererwa ky’okumukoonyera kukorra ha misingi ya Baibuli. Nahabwekyo, tusemeriire kwega kukozesa kurungi obutabu bunu. Haroho na burocuwa ezitutasemeriire kwebwa kuteeka omu nsaho zaitu. Tukira muno kukozesa burocuwa Amakuru Amarungi Kuraga Hali Ruhanga kutandika kwegesa abantu Baibuli. Burocuwa Huliriza Ruhanga rundi Huliriza Ruhanga Oyomeere Ebiro Byoona tusobora kuzikozesa tusangire abatamanyire kusoma kurungi rundi abantu abarukubaza orulimi orutwinamu ebitabu bitaito. Tusobora kukozesa akatabu Nibaha Abarukukora Yahwe Eby’Agonza omu Kasumi Kanu? kukoonyera abeegi baitu kutandika kwija omu nso’rokano n’okumanya ekitebe kya Yahwe. Vidiyo nka Habwaki Osemeriire Kwega Baibuli?, Biki Ebikolebwa omu Kyombeko ky’Obukama? na Does God Have a Name? zisobora kutukoonyera okufoora abantu abeegeswa. Nahabwekyo nazo tusemeriire kwega omulingo gw’okukozesaamu.
3. Obuheereza Bwaitu Obw’Obukama obw’ameezi agarukwija nibwija kutukoonyera omu mulingo ki?
3 Obuheereza Bwaitu Obw’Obukama obw’ameezi agarukwija nibwija kutwoleka omulingo tusobora kukozesa kurungi ebitabu ebi twina. Obuturakozesa kurungi ebintu binu byoona, nitwija kuba nituteeka omu nkora obuhabuzi oburukugamba: “Werindege wenka nokwegesa kwawe. Okailege omu bigambo binu; baitu obwokora binu olyejuna wenka, kandi olijuna nabo abakuhu’ra.”—1 Tim. 4:16.