Omulingo Osobora Kwesomesa Ebyahandiikirwe n’Obwekambi

Wakugondeze kusigara oli mwesigwa nka Danieri obworaaba nolengwa? Danieri yayekambaga muno kwesomesa ekigambo kya Ruhanga, otwaliiremu n’ebyahandiikirwe ebirukukwata ha bunabbi. (Dan 9:2) Okwesomesa Baibuli n’obwekambi nikisobora kukukonyera kusigara oli mwesigwa hali Yahwe. Omu mulingo ki? Nikusobora kwongera ha kwikiriza kwawe omu mirago ya Ruhanga ngu yoona naija kuhikirra. (Yos 23:14) Okwesomesa nikusobora n’okukukonyera kwongera ha kugonza kwawe okwoiniire Ruhanga. Kandi okugonza kunu, nikwija kukuletera kukora ebihikire omu maiso ga Ruhanga. (Zab 97:10) Baitu, ninkaha nambere osemeriire kutandikira? Tekerezaaho amagezi ganu.

• Biki ebi nsemeriire kwesomesa? Okwesomesa okurungi, nikutwarramu kwetekaniriza enso’rokano. Okusoma Baibuli okwa wiiki nikwija kukubeera kw’omugaso kakuba otaho obwire okaseruliiriza ha bintu eby’otayetegeriize kurungi. Kwongerra hali eki, baingi bacwiremu kusoma ebirukukwata ha bunabbi, ebyana eby’omwoyo ogurukwera, engendo z’omukwenda Paulo obwakaba n’akora nk’omu misani hamu n’ebintu Yahwe yahangire. Kakuba otunga ekikaguzo ekirukwetagisa eky’okugarukamu kuruga omu Baibuli, kihandiike hanyuma kiseruliirizeeho omu kwesomesa kwawe.

• Ninkaha nambere nsemeriire kwiha ebirukukiraho? Obworaaba noyenda kumanya bimu eby’osobora kukora, rora vidiyo Ebikwato Ebiratukonyera omu Kuseruliiriza Ha Bintu eby’Omwoyo. Obworaaba nogonza kwekebera kumanya obukugu obw’otungire omu kuseruliiriza, seruliiriza h’amahanga ag’amaani agarukulengesanizibwa n’ebisoro ebiri omu Danieri esuura eya 7.

• Bwire ki obu nsemeriire kumara ninyesomesa? Okwesomesa butoosa kikuru obworaaba oli w’okwikara ogumire omu by’omwoyo. N’osobora kutandika n’okozesa obwire buke, hanyuma obukiraaba nikyetaagisa n’osobora kwongeraho obwire bwawe obw’okwesomesa. Kusoma Ekigambo kya Ruhanga kiri nk’okuserra eby’obuguda ebiri omu itaka; obwoyeyongera kuzoora eby’obuguda, kikwekambisa kwongera kuserra! (Nfu 2:3-6) Kugonza kwawe okw’okusoma ekigambo kya Ruhanga nikwija kweyongera kandi kusoma Baibuli otakwosa neija kufooka ngeso yawe.​—1Pet 2:2.

EBISORO EBIRUKUBAZIBWAHO OMU DANIERI ESUURA 7 NIBIMANYISA KI?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

EKIKAGUZO EKINDI:

Ekyahandiikirwe eky’omu Danieri 7:8, 24 kikahikirra kita?

EKINDI EKY’OSOBORA KUSERULIRIZAAHO:

Ebisoro ebirukubazibwaho omu Kusuku’rwa esuura ya 13 nibimanyisa ki?