Okutebeza omu ihanga lya Liberia, haihi na Monrovia

Nk’Oku Osobora Kubaza n’Omuntu

●○○ OMURUNDI OGW’OKUBANZA

Ekikaguzo: Baibuli eky’Aine Omugaso omu Kasumi Kanu?

Ekyahandiikirwe: 2Tim 3:16

Eky’Oratandikiraho: Butumwa ki obuli omu Baibuli?

○●○ OKUGARUKAYO OGW’OKUBANZA

Ekikaguzo: Butumwa ki obuli omu Baibuli?

Ekyahandiikirwe: Mat 6:10

Eky’Oratandikiraho: Obukama bwa Ruhanga nibwija kukora ki?

○●○ OKUGARUKAYO OGWAKABIRI

Ekikaguzo: Obukama bwa Ruhanga nibwija kukora ki?

Ekyahandiikirwe: Dan 2:44

Eky’Oratandikiraho: Kiki ekirabaho omu nsi?

Kutandika n’okwezi kunu, oruso’rokano orwa hagati omu wiiki turukyayongera kubamu enyanjura isatu ezikwahukana. Baitu, Akatabu k’Enso’rokano nikaija kwoleka nk’oku osobora kubaza n’omuntu n’okozesa ekikaguzo, ekyahandiikirwe, hamu n’ekikaguzo eky’oratandikiraho omurundi gundi. Vidiyo emu erukwoleka nk’oku osobora kubaza n’omuntu erayolekwaga buli wiiki. Buli mutebezi aine obugabe obw’okwecweramu ekitabu ekyarakozesa n’omulingo arakigabamu—n’obuguraaba murundi gw’okubanza rundi agarukireyo. Kwongera hali eki, akatabu k’enso’rokano nikaija kubamu emiringo ebiri nk’oku osobora kubaza n’omuntu obworukuba ogarukireyo omurundi ogwakabiri n’ogwakasatu. Omulingo gunu nigwija kutukonyera kusobora kwegesa abo “bona abakomerwe hali obwomezi obutahwaho.”—Eng 13:48.

Ebicweka by’Abeegi: Abeegi basemeriire kukorra ha kicweka “Nk’Oku Osobora Kubaza n’Omuntu” rundi buli obu baraaba bahairwe oburagirizi obundi.