Weriinde Kugwa omu Kabi​—Akali omu Kukozesa Kubi Emikura ey’Okubalizaaho

HABWAKI KIKURU: Nk’ebikwato ebindi byona, emikura ey’okubalizaaho nayo n’esobora kuba y’omugaso rundi y’akabi. Abakristaayo abamu bacwamu kutakozesa emikura enu ey’okubalizaaho. Abakristaayo abandi bakozesa emikura ey’okubalizaaho kubaza n’abanyabuzaale hamu n’abanywani baabo. Baitu, Setani nagonza tukozese kubi emikura enu, nukwo twesiise ibara hamu n’okusiisa enkoragana yaitu na Yahwe. Nka Yesu, nitusobora kukozesa emisingi kuruga omu Kigambo kya Ruhanga kumanya n’okwetantara akabi kanu.​—Luk 4:4, 8, 12.

EBY’OSEMERIIRE KWERIINDA:

• Kukozesa ekihinguraine emikura ey’okubalizaaho. Kumara obwire bwingi nitukozesa emikura ey’okubalizaaho nikisobora kukuletera kuburwa obwire obw’okukora ebintu eby’omwoyo

  Emisingi ya Baibuli: Bef 5:15, 16; Baf 1:10

• Kurora ebintu ebitasemiire. Kurora ebisisani ebitasemiire nibisobora kukurugirramu omuze ogw’okurora ebisisani eby’orwanju rundi kugwa omu busihani. Kusoma ebintu eby’abantu abarukuhakaniza ekitebe kya Yahwe rundi ebi bateeka ha mikura yabo nikisobora kucekya okwikiriza kwaitu

  Emisingi ya Baibuli: Mat 5:28; Baf 4:8

• Kuta ebigambo rundi ebisisani ebitasemiire ha mikura ey’okubalizaaho. Habw’omutima kuba mugobya, omuntu nasobora kuta ebigambo rundi ebisisani ebitasemiire ha mikura ey’okubalizaaho. Baitu kinu nikisobora kumusiisa ibara rundi kutabaijura abandi omu by’omwoyo

  Emisingi ya Baibuli: Bar 14:13; Bef 4:29

MUROLE VIDIYO KOZESA EMIKURA EY’OKUBALIZAAHO OMU MULINGO GW’AMAGEZI, HANYUMA MUBAZEEHO EMIRINGO NK’OKU MUSOBORA KWERIINDA OMU NYIKARA ZINU: