Obwire Bwawe Bumale n’Abantu Abarukugonza Yahwe

Habwaki obwire bwaitu tusemeriire kubamara n’abantu abarukugonza Yahwe? Habwokuba abantu abatusiiba nabo, nibasobora kutukonyera kukora ebintu ebirungi rundi kutwekambisa kukora ebintu ebitali birungi. (Nfu 13:20) Nk’ekyokurorraho, Omukama Yehoasi akakora ebirungi omu maiso ga Yahwe habw’okumara obwire bwingi na Nyakatagara Omukuru Yehoyada. (2Byom 24:2) Baitu hanyuma y’okufa kwa Nyakatagara Yehoyada, Omukama Yehoasi akaleka kuheereza Yahwe habw’abanywani ababi.​—2Byom 24:17-19.

Omu kyasa eky’okubanza C.E., omukwenda Paulo akalengesaniza ekitebe Ekikristaayo ‘n’enju enkooto’ kandi akalengesaniza ab’omu kitebe ‘nk’ebibindi’ rundi ebintu ebikozesebwa omu nju. Tusigara tuli bintu “ebyekitinisa” rundi eby’okukozesa, obutwetantara abantu n’obu barukuba abanyabuzaale rundi ab’oruganda omu kitebe abarukukora ebintu ebitarukusemeza Yahwe. (2Tim 2:20, 21) Nahabweki, katwikale nitunywana abantu abarukugonza Yahwe kandi abarukutwekambisa kumuheereza.

MUROLE VIDIYO NK’OKU OSOBORA KWECWAHO ABANYWANI ABABI, HANYUMA MUGARUKEMU EBIKAGUZO BINU:

• Nitusobora tuta kumara obwire bwaitu n’abantu ababi tutakimanyire?

• Omu vidiyo eiturozere, kiki ekikonyire Abakristaayo abasatu kwecwaho abanywani ababi?

• Misingi ki eya Baibuli ey’esobora kukukonyera kutunga abanywani abarungi?