Ebikorwa Ebirungi Ebitasobora Kwebwa

Nikisoboka abaheereza ba Yahwe boona kumukorra ebintu ebyarukwija kwikara naijuka ebiro n’ebiro. Nk’oku omuzaire atarukusobora kwebwa ebirungi abaana be bamukoliire, Yahwe nauwe tasobora kwebwa emirimo yaitu hamu n’okugonza okutwolekere ibara lye. (Mat 6:20; Baheb 6:10) Itwena twine obusobozi n’enyikara ezirukwahukana. Baitu kakuba twekamba muno kuheereza Yahwe, nitwija kutunga okusemererwa. (Bag 6:4; Bak 3:23) Kumara emyaka nyingi, enkumi n’enkumi ez’ab’oruganda n’abanyanya itwe baheriize ha Beseri. N’osobora kwehayo kukonyera ha Beseri? Obukiraaba kitarukusoboka, nosobora kwekambisa omuntu ondi kuheereza ha Beseri rundi kwekambisa omu Beseri kugumizaamu naheereza omu buheereza bwe?

MUROLE VIDIYO WETEREHO EKIGENDERERWA EKY’OKUHEEREZA HA BESERI, HANYUMA MUGARUKEMU EBIKAGUZO BINU:

• Kiki ekisobora kukuletera kugonza kuheereza ha Beseri?

• Migisa ki ey’eruga omu kuheereza ha Beseri?

• Bintu ki ebirukwetagisibwa kusobora kuheereza ha Beseri?

• Nosobora ota kwehandiikisa kugenda ha Beseri?