“Mwikale Nimutekerezaaho Ebintu Binu”

Bintu ki? Abafiripi 4:8 nirugamba ngu tutekerezeeho ebintu eby’amazima, byona ebisemeriire ekitiinisa, byona eby’obulyo, byona ebisemiire, byona ebirukugonzebwa, byona ebirukusiimwa, oburungi, n’ebintu ebirukukugizibwa. Kinu tikirukumanyisa ngu Abakristaayo basemeriire kwikara nibatekerezaaho ebintu ebirukukwata ha Baibuli byonka. Baitu kyona ekituraaba nitutekerezaaho, kisemeriire kuba nikisemeza Yahwe. Titusemeriire kutekerezaaho ebintu ebiraletera enkoragana yaitu na Yahwe kuceka.​—Zab. 19:14.

Nikisobora kutugumira kwetantara ebitekerezo ebitasemiire. Titurwanisa omubiri gwaitu gwonka baitu niturwanisa na Sitani, “ruhanga owobusinge bunu.” (2Kol 4:4) Habwokuba nuwe arukulema ebintu ebirukukira obwingi ebiba ha tivi, rediyo, intaneeti, empapura ez’amakuru, hamu n’ebitabu. Kakuba tutegendereza ebintu ebiturukutahya omu biteekerezo byaitu, entekereza yaitu niija kusisikara kandi nitusobora kutandika kwetwaza kubi.​—Yak 1:14, 15.

MUROLE VIDIYO WETANTALE EBINTU EBISOBORA KUHWEREKEREZA OBWESIGWA BWAWE​—EBY’OKWESEMEZA EBITASEMIIRE, HANYUMA MUGARUKEMU EBIKAGUZO BINU:

• 

  Ow’oruganda abaire narora ki ha simu, kandi eby’abaire narora bimukwasireho bita?

• 

  Ebyahandiikirwe ebiri omu Abagaratiya 6:7, 8 hamu na Zabuli 119:37 bikamukonyera bita?