OBWOMEEZI BWAITU NK’ABAKRISTAAYO

Yahwe Agonza Abantu Abecumi

“Naaba omu ngaro. Semeza ekisiika kyawe. Singorra. Iha kasasiro omu nju oginage.” Abazaire baingi batendeka abaana baabo omulingo basemeriire kwikara bali becumi ha mibiri yabo. Baitu, emisingi ey’obwecumi abazaire begesa abaana babo eruga hali Yahwe. (Kurug 30:18-20; Bir 23:14; 2Kol 7:1) Obutwikaza emibiri hamu n’ebintu byaitu biri byecumi, tuhaisa Yahwe ekitinisa. (1Pet 1:14-16) Kandi amaka gaitu n’ebiikaro ebitwetoroire bisemeriire kusisana bita? Kwahukanaho n’abantu abarukunaga oburofu hoona nambere basangire, itwe Abakristaayo tukora kyona ekirukusoboka kwikaza ensi eri nyecumi. (Zab 115:16; Kus 11:18) Twoleka ngu tuli becumi n’omu mulingo tunagamu obuntu obutaito nk’obuveera bwa switi, obucupa bwa soda, rundi chewing gum. Omu buli nyikara yoona, nitugonza kwikara ‘nitwenyumiza itwenka, nk’abaheereza ba Ruhanga.’—2Kol 6:3, 4.

MUROLE VIDIYO RUHANGA AGONZA ABANTU ABECUMI, HANYUMA MUGARUKEMU EBIKAGUZO BINU:

Abantu abamu nibasobora kwekwasa ki habw’okutaikaza ebintu byabo biri byecumi?
Ebiragiro bya Musa bikooleka bita entekereza ya Yahwe ha bwecumi?
Nitusobora tuta kuhaisa Yahwe ekitinisa tutabalize ekigambo kyona?

Ow’oruganda nataaha omu motoka ya mutabani we enyakwiragwire; ow’oruganda na mutabani we nibabazaaho emisingi ya Yahwe erukukwata ha bwecumi; abanyakatagara babiri omu Isaleri eya kara bemeriire haihi n’ebafu ey’okunabiramu ey’ekozerwe omu mulinga; ab’oruganda nibaruga omu motoka enyecumi — Ninsobora nta kwoleka ngu nyine entekereza nk’eya Yahwe obukirukuhika ha bwecumi?