OBWOMEEZI BWAITU NK’ABAKRISTAAYO
Weriinde Kunjanjaza Ebisuba
Kasumi kanu, amakuru nigasobora kuhika hali obukaikuru bw’abantu kurabira ha bihandiiko ebitirwe ha mpapura, rediyo, tivi hamu na ha intaneti. Abo abaramya “Ruhanga owamananu” tibagonza kujanjaaza ebisuba n’obubarukuba batakimanyire. (Zab 31:5; Kurug 23:1) Ebisuba kakuba bihika h’abantu abandi nibisobora kurugwamu akabi. Obworukuba n’olengaho kumanya ekintu obugaraaba gali mananu, banza oyekaguze ebikaguzo binu:
‘Ebimpuliire nibiruga ha muntu oundukwesiga?’ Omuntu owarukukuha amakuru n’asobora kuba atamanyire amananu gonyini. Amakuru obugaruga ha muntu omu gakagenda ha muntu ondi, gamalirra gahindukire, nahabweki wegendereze obworukuba otamanyire ninkaha honyini nambere amakuru ag’ohuliire garugire. Nk’oku abo abaine obujunanizibwa omu kitebe baba bamanyire ebintu bingi, kukira muno nubo basemeriire kwetantara kugambisibwa ha bintu ebibatarukumanya kurungi obugaraaba gali mananu
‘Ebibarukubaza nibisiisa ibara ly’omuntu?’ Obubirukuba nibisiisa ibara ly’omuntu rundi abantu, kirungi obyesigalize, otabigambira omuntu ondi.—Nfu 18:8; Baf 4:8
‘Ebibarukubaza birumu amagezi?’ Wegendereze obw’orukuba n’ohuliiriza amakuru rundi ebintu ebirukusemeza rundi ebirukusikiriza
MUROLE VIDIYO NINSOBORA NTA KULEKA ORUGAMBO? HANYUMA MUGARUKEMU EBIKAGUZO BINU:
Kusigikirra ha Enfumo 12:18, ebigambo nibisobora kuleeta kabi ki?
Ekyahandiikirwe ekiri omu Abafiripi 2:4 nikitukonyera kita kukora encwamu ey’ehikire obukirukuhika ha kubazaaho abandi?
Kiki ekitusemeriire kukora kakuba abantu batandika kubazaaho kubi abandi?
Tutakatandikire kubazaaho abandi, bikaguzo ki ebitusemeriire kubanza kwekaguza?