Twara Abakazi Abakuru nka Banyoko, n’Abaisiki Abato nka Banyanyoko

Ebyahandiikirwe nibitugambira kutwaza Abakristaayo abakuzire omu myaka nka banyinaitwe hamu na ba isiitwe kandi abato nka bagenzi baitu. (Soma 1 Timoseo 5:1, 2.) Ab’oruganda kukira muno basemeriire kutwaza banyaanya itwe omu mulingo gw’ekitiinisa.

Ow’oruganda tasemeriire kuzaanisa rundi kukora ekintu kyona ekisobora kuletera munyaanya itwe kuburwa obusinge obwarukuba ali na uwe. (Yob 31:1) Ow’oruganda ow’atali omu buswere tasemeriire kuzanisa enyehurra za munyaanya itwe owatali mu buswere kurabira omu kumuletera kutekereza ngu n’agonza kutaaha na uwe omu buswere kandi kunu nangwa.

Abagurusi basemeriire kuhuliiriza kurungi kakuba banyaanya itwe babakaguza ekigazo rundi bakabazaaho ekintu ekirukwetaagisa kugonjorwa. Kukira muno, abagurusi basemeriire kufaaho banyaanya itwe abataine basaija ab’okubalinda.​—Rus 2:8, 9.

MUROLE VIDIYO YOLEKA OKUGONZA OKUTAHWAHO OMU KITEBE​—HALI ABAFAKATI N’ENFUUZI, HANYUMA MUGARUKEMU EBIKAGUZO BINU:

• 

  Ekitebe kikooleka kita okugonza okw’amaani hali munyaanya itwe Myint?

• 

  Okugonza ekitebe ekikwayolekere kukaha kuta obwakaiso hali abaikazi b’ekyaro eki?

• 

  Okugonza ekitebe ekikwayolekere munyaanya itwe Myint kukakwataho kuta bahara be?

Miringo ki ey’osobora kwolekamu ngu n’ofaaho banyaanya itwe omu kitebe kyanyu?