OBWOMEEZI BWAITU NK’ABAKRISTAAYO | YONGERA HA KUSEMERERWA KWAWE OMU BUHEEREZA
Konyera Abeegi Baawe Aba Baibuli Kuleka Engeso Ezitasemiire
Abantu abecumi omu ngeso nubo bonka basobora kwegondeza omu kuba n’enkoragana enungi na Yahwe. (1Pet 1:14-16) Kakuba abeegi ba Baibuli basingura engeso ezitasemiire, nibasobora kutunga amaka amarungi, obwomeezi oburungi kandi nibagasirwa n’omu byentahya.
Basoborre kurungi endengo za Yahwe, ensonga habwaki yazituhaire n’ebirungi ebiruga omu kuzihondera. Teeka omutima ha kukonyera abeegi baawe kuhindura omulingo bateekerezaamu kandi nikiija kubakonyera kukora Yahwe eby’agonza. (Bef 4:22-24) Bagumye ngu Yahwe n’asobora kubakonyera kusingura engeso embi ezibaikaire nibejumbiramu kumara obwire bwingi. (Baf 4:13) Begese kusaba Yahwe abakonyere kakuba batunga okwegomba okw’okukora ekibi. Bakonyere kumanyirra n’okwetantara enyikara ezisobora kubaletera kwohebwa. Bekambise kukora ebintu ebirabagasira omu kiikaro ky’engeso ezitasemiire. Noija kutunga okusemererwa obw’orarora Yahwe n’akonyera abeegi baawe aba Baibuli kuleka engeso ezitasemiire.
MUROLE VIDIYO KONYERA ABEEGI BAAWE ABA BAIBULI KULEKA ENGESO EZITASEMIIRE, HANYUMA MUGARUKEMU EBIKAGUZO BINU:
Neeta hamu n’Abagurusi boolekere bata obwesige omuli Jade?
Bukonyezi ki obundi Neeta obw’ahaire Jade?
Jade aserwire ata obukonyezi hali Yahwe?