Wetekanirize eby’Obujanjabi Hati

Habwaki osemeriire kwetekaniza? Eby’obujanjabi hamu n’ensonga ezindi ez’irwarro nibisobora kubaho ahonaaho. Nahabweki, wetekanize hati kusobora kutunga obujanjabi oburukukirayo oburungi enyikara nk’ezi obuziraabaho. Obworakikora, noija kwoleka ngu n’otekamu ekitiinisa obwomeezi n’ekiragiro kya Yahwe ekirukukwata ha sagama.​—Eng 15:28, 29.

N’osobora kukora ki kwetekaniza?

• Saba kandi hanyuma oijuze kurungi kaadi yaawe ey’esagama (DPA).a Abatebezi ababatiziibwe nibasobora kutunga kaadi enu kuruga hali ow’oruganda ow’akora ha bitabu otwaliremu na kaadi ey’abato ey’erukwetwa Identity Card (ic)

• Obworaaba oine enda, saba abagurusi bakuhe ekihandiiko ekirumu obutumwa obw’abo abaine enda rundi Information for Expectant Mothers (S-401). Ekihandiiko kinu nikiija kukukonyera kukora encwamu enungi obukirukuhika ha nsonga z’eby’obujanjabi ezisobora kubaho obworukuba oine enda rundi ha kuzaara

• Obworaaba n’oyetaaga obujanjabi obusobora kutwarramu kukozesa esagama rundi kwikara omu irwarro, manyisa kara abagurusi

Abagurusi nibasobora kukonyera bata? Nibasobora kukukonyera kwijuza kaadi yaawe ey’esagama rundi DPA. Baitu nabwo, abagurusi tibarukwija kukukorra encwamu ez’obujanjabi rundi kukugambira entekereza zaabo obukirukuhika ha nsonga ezirukukwetaagisa kwecweramu. (Bar 14:12; Bag 6:5) Kakuba ohikwaho enyikara ey’eby’obujanjabi oburukutwarramu kukozesa esagama kandi okamanyisa abagurusi, ahonaaho nibaija kuhikirra akatebe aka Hospital Liaison Committee (HLC) nukwo kakukonyere.

Akatebe aka HLC nikasobora kukonyera kata? Ab’oruganda abarukuheereza h’akatebe aka HLC batendekerwe kukonyera abo abarukukora omu marwarro hamu n’abebiragiro kwetegereza encwamu yaitu obukirukuhika ha sagama. Nibasobora kubazaaho n’ow’arukukujanjaba ha miringo ey’obujanjabi ey’etarukutwarramu kutekwamu esagama. Obukirukuba kyetaagisize, nibasobora kukukonyera kutunga dakitaali ow’aratekamu ekitiinisa encwamu yaawe.

MUROLE VIDIYO OMULINGO OSOBORA KUKORA ENCWAMU EZ’EBY’OBUJANJABI EZIRUKUKWATA HA SAGAMA, HANYUMA MUGARUKEMU EKIKAGUZO KINU:

• Bintu ki eby’oyegere omu vidiyo ebisobora kukukonyera kwetekaniriza eby’obujanjabi ebirukutwarramu kukozesa esagama?

  Your answer