Abakaiso ba Yahwe Baikiririza Omuli Yesu?

Ego. Twikiririza omuli Yesu ayagambire ati: “Ninyowe muhanda mananu nobwomezi: busaho aija hali Isenyowe rundi araba omuli nyowe.” (Yohana 14:6) Twine kwikiriza ngu Yesu akaruga omu iguru yaija omu nsi kandi yahayo obwomeezi bwe obuhikiriire nk’ekicunguro. (Matayo 20:28) Okufa kwe n’okuhumbuuka nibisobozesa abo boona abamwikiririzaamu kutunga obwomeezi obutahwaho. (Yohana 3:16) Ekindi, twikiriza ngu hati, Yesu nalema nk’Omukama w’Obukama bwa Ruhanga, obuli haihi kuleeta obusinge omu nsi. (Okusuku’rwa 11:15) Baitu twikiririza omu bigambo bya Yesu ebirukugamba ngu: “Isenyowe nankira obukuru.” (Yohana 14:28) Nahabweki, tituramya Yesu kandi titwikiriza ngu nuwe Ruhanga Ow’obusobozi bwona.