Abakaiso ba Yahwe Bahayo Kimu kya Ikumi?

Nangwa, Abakaiso ba Yahwe tibahayo kimu kya ikumi. Omulimo gwaitu gusagikwa ebituhayo twegondiize. Kimu kya ikumi nikyo kiki kandi habwaki Abakaiso ba Yahwe batakihayo?

Omu biragiro Ruhanga akaba ahaire Abaisaleri hakaba harumu ekiragiro eky’okuhayo kimu kya ikumi rundi kuhayo kimu kya ikumi eky’ebintu omuntu ebyaine. Baitu Baibuli ekyoleka kurungi ngu Abakristaayo tikikyabetaagisa kuhondera Ebiragiro bya Musa, otwaliremu n’ekiragiro eky’okuhayo kimu kya ikumi.—Abaheburaniya 7:5, 18; Abakolosai 2:13, 14.

Omu kiikaro ky’okuhayo kimu kya ikumi ekibacweriirwe hamu n’ebihongwa, Abakaiso ba Yahwe bahondera ekyokurorraho eky’Abakristaayo ab’omu kyasa eky’okubanza kandi basagika omulimo gw’okutebeza omu miringo ebiri. Ogw’okubanza, behayo kwejumbira omu buheereza batarukusasurwa. Ogwakabiri, bahayo sente begondiize.

Omu mulingo ogu, tuhondera oburagirizi obwahairwe Abakristaayo oburukugamba ngu: “Omuntu wena akole nkokuyatekeriize kara omu mutimagwe; okutaima nobukwakuba okuhambirizibwa: baitu Ruhanga nagonza omwenda.”—2 Abakolinso 9:7.