OBWOMEEZI BWAITU NK’ABAKRISTAAYO
Okutebeza n’Okwegesa—Bikuru Muno omu Kufoora Abantu Abegeswa
Yesu akaragira abahondezi be kugenda kufoora abantu abegeswa. (Mat 28:19) Kinu nikitwarramu kutebeza hamu n’okwegesa. Kikuru kwikara nitwekaguza, ‘Nsobora nta kweyongera kukurakuraniza emiringo enu ey’okufoora abantu abegeswa?’
OKUTEBEZA
Omu kiikaro ky’okulinda abantu kubanza kutuserra, nitwe tusemeriire kwekamba kuserra abo ‘abasemeriire’. (Mat 10:11) Obutuba nitutebeza, tukozesa buli kagisa koona kubaza n’abantu ‘abatwitirana’? (Eng 17:17) Ludiya akafooka mwegeswa habwokuba omukwenda Paulo akatebeza n’obwekambi.—Eng 16:13-15.
“Nyenkya osigege embibo yawe, norwebajo otatanga omukono gwawe” (Mug 11:6)
MUROLE VIDIYO GUMIZAAMU NOTEBEZA OTAKULEKA—OMU KUTEBEZA KWOTAYETEKANIRIIZE, KUTEBEZA NJU HA NJU, HANYUMA MUGARUKEMU EBIKAGUZO BINU:
Samuel akooleka ata ngu nayekamba kusiga embibo ez’amananu obuyabaga nakora emirimo ye eya buli kiro?
Habwaki tusemeriire kugumisiriza omu miringo yoona ey’okutebeza?
Noha ow’osobora kutebeza amakuru amarungi obworaaba oli ha mirimo yaawe eya buli kiro?
OKWEGESA
Kusobora kufoora abantu abegeswa, titusemeriire kugarukira ha kubaha ebitabu kwonka. Kusobora kubakonyera kukurakurana omu by’omwoyo, tusemeriire kugarukayo kandi n’okubegesa Baibuli. (1Kol 3:6-9) Kiki ekitusemeriire kukora kakuba twekamba kwegesa omuntu baitu hakanga kuruga akarungi koona? (Mat 13:19-22) Tusemeriire kuserra abantu abaine emitima enyakuli ‘nkitaka erisemiire.’—Mat 13:23; Eng 13:48.
“Nyowe nkabyara, Apolo akaiti’ra amaizi: baitu Ruhanga nuwe yayanisize” (1Kol 3:6)
MUROLE VIDIYO GUMIZAAMU NOTEBEZA OTAKULEKA—KUTEBEZA OMU RWIJWIRE RW’ABANTU, KUFOORA ABANTU ABEGESWA, HANYUMA MUGARUKEMU EBIKAGUZO BINU:
Solomon na Mary bakaitirra bata amaizi ha nsigo ey’amananu ey’akaba ebyairwe omu mitima ya Ezekiel na Abigail?
Ekigendererwa kyaitu ekikuru omu kutebeza kw’emiringo yoona, otwaliiremu okutebeza omu rwijwire rw’abantu nikiha?
Nitusobora tuta kwongera amaani omu kwegesa abandi amananu?