Ekyokurorraho eky’Engano Nirungu

Yesu akakozesa ekyokurorra ky’engano nirungu kutwoleka omulingo n’obwire yakukomiiremu abantu abaseserweho amagita abali nk’engano kuruga omu bantu abandi kutandikira omu mwaka 33 C.E. (Omu kyokurorraho eky’engano nirungu, Baibuli ey’Orunyoro/Rutoro eya 1993 n’ekozesa oburo n’emberya)

13:24

‘Omuntu akasiga embibo esemiire omu ruharorwe’

• Omusigi: Yesu Kristo

• Embibo esemiire esigwa: Abegeswa ba Yesu baseswaho omwoyo ogurukwera

• Oruharo: Ensi ey’abantu

13:25

“Obwabantu bakaba bagwijagiire, hakaija omunyanzigwawe nasiga [irungu] omu [ngano]”

• Omunyanzigwa: Setani

• Abantu bakaba bagwijagiire: Okufa kw’abakwenda

13:30

“Muleke binyete byona, bihike ha magesa”

• Engano: Abakristaayo abaseserweho amagita

• Irungu: Abakristaayo ab’ebisuba

‘Mubanze musoroze [irungu] . . . ; baitu [engano] mugihunike omu maguli gange’

• Abairu/abagesi: Bamaraika

• Kusorooza irungu: Abakristaayo ab’ebisuba basorozebwa kuruga omu Bakristaayo abaseserweho amagita

• Kuhunika omu nguli: Abakristaayo abaseserweho amagita basorolezebwa hamu omu kitebe ekyali kigarwirweho

Mbaganiza ki ekaba eroho hagati y’Abakristaayo ab’amananu n’ab’ebisuba obwire bw’amagesa obu bwatandikire?

Ninsobora nta kugasirwa habw’okwetegereza amakuru ag’ekyokurorraho kinu?