• Sagika Banyaanya Itwe omu Kitebe
    Omunaara gw’Omulinzi (OgwʼOkwega)—2020 | Sebutemba
    • Yesu n’ayegesa aikaliire. Maliza na Malyamu baikaliire ha bigere bye bamuhuliriize. Ebisisani: 1. Omusaija na mukazi we babungiire munyaanya itwe omu ka ye, ow’aine obuceke habw’okukura omu myaka. Omusaija n’abaza na uwe kandi mukazi we n’ayahura ebyokulya. 2. Omuasija na mukazi we bali omu kuramya kw’eka na munyaanya itwe ow’ali na muhara we omuto. 3. Ow’orunganda n’akonyera banyaanya itwe babiri kuhindura omupiira gwa motoka yabo.

      Nka Yesu, nitusobora kwoleka ngu nitugonza kandi nitufaaho banyaanya itwe abesigwa (Rora akacweka 6-9)e

      6. Kusigikirra ha Luka 10:38-42 Yesu akakonyera ata Maliza na Malyamu?

      6 Yesu akatunga obwire kuba na banyaanya ab’eby’omwoyo kandi akaba ali munywani wabo omurungi. Tekerezaaho obunywani obukaba buli hagati ye na Malyamu hamu na Maliza abasobora kuba bakaba bataswirwe. (Soma Luka 10:38-42.) Hataroho kugurukyagurukya, Yesu akabaletera kuhurra batekaine kuraba omu bigambo bye n’ebikorwa bye. Ekyokurorraho Malyamu atatiine kwikarra ha bigere bye nk’omu h’abegeswa be.c Maliza atatiine kugambira Yesu nk’oku akaba asaalirwe habwa Malyamu kutamukonyera. Omu nyikara egi, Yesu akakonyera abakazi abo kwega amasomo amakuru. Akoleeka ngu n’afaaho abakazi banu hamu na mugenzi wabo Lazaro kuraba omu kubabungira na ha bwire obundi. (Yoh. 12:1-3) Nahabweki tikirukutuhuniriza kurora ngu Lazaro obuyarwaire muno, Malyamu na Maliza batatiine kuhikirra Yesu abakonyere.​—Yoh. 11:3, 5.